ബോര്ഡര് ഗാവസ്കര് ട്രോഫിയിലെ ആദ്യ മത്സരത്തില് വമ്പന് ജയം നേടിയതിന് പിന്നാലെ ഇന്ത്യന് സ്പിന്നര് രവീന്ദ്ര ജഡേജയ്ക്ക് (Ravindra Jadeja) കനത്ത പിഴയുമായി ഐസിസി (ICC). വിദര്ഭ ക്രിക്കറ്റ് അസോസിയേഷന് സ്റ്റേഡിയത്തില് ഇന്ത്യയും ഓസ്ട്രേലിയയും (Australia) തമ്മിലുള്ള ആദ്യ ടെസ്റ്റ് മത്സരത്തില് ബാറ്റുകൊണ്ടും പന്തുകൊണ്ടും തിളങ്ങിയ താരമാണ് ജഡേജ. മത്സരത്തിന്റെ ആദ്യ ദിനത്തില് രവീന്ദ്ര ജഡേജ തന്റെ ബൗളിംഗ് വിരലുകളില് ക്രീം പുരട്ടിയ സംഭവം വിവാദമായിരുന്നു. ഇതേക്കുറിച്ചുള്ള അന്വേഷണത്തിന് ശേഷമാണ് അന്താരാഷ്ട്ര ക്രിക്കറ്റ് കൗണ്സില് നടപടി സ്വീകരിച്ചത്. അമ്പയറുടെ അനുവാദം ചോദിക്കാത്തതിനാല് ഐസിസി പെരുമാറ്റച്ചട്ടം ലെവല് 1 ലംഘിച്ചതിന് ജഡേജ കുറ്റക്കാരനാണെന്ന് ഐസിസിയുടെ ക്രിക്കറ്റ് ഗവേണിംഗ് ബോഡി വ്യക്തമാക്കി.
സംഭവത്തില് രവീന്ദ്ര ജഡേജയുടെ മാച്ച് ഫീസിന്റെ 25% ഐസിസി പിഴ ചുമത്തി. 24 മാസത്തിനിടയിലെ ആദ്യ കുറ്റമായതിനാല് അദ്ദേഹത്തിന് ഒരു ഡീമെറിറ്റ് പോയിന്റും നല്കി. ക്രീം പ്രയോഗിച്ചത് മെഡിക്കല് ആവശ്യങ്ങള്ക്ക് മാത്രമാണെന്നും ഏതെങ്കിലും തരത്തിലുള്ള പന്തില് കൃത്രിമം കാണിക്കാനല്ലെന്നും തനിക്ക് ബോധ്യപ്പെട്ടതായി മാച്ച് റഫറി വ്യക്തമാക്കി.
ഓസ്ട്രേലിയയുടെ ആദ്യ ഇന്നിംഗ്സിന്റെ 46-ാം ഓവറിലാണ് സംഭവം നടന്നത്. ഓണ്-ഫീല്ഡ് അമ്പയര്മാരോട് അതിനുള്ള അനുവാദം ചോദിക്കാതെ ജഡേജ തന്റെ ബൗളിംഗ് കൈയുടെ ചൂണ്ടുവിരലിലെ വീക്കത്തിന് ക്രീം പുരട്ടിയിരുന്നു. ഇതിന്റെ വീഡിയോ വൈറലായി മാറുകയും ചെയ്തു. ഇതേതുടര്ന്നാണ് മാച്ച് റഫറി അന്വേഷണം നടത്തി റിപ്പോര്ട്ട് സമര്പ്പിച്ചത്.
ജഡേജ കുറ്റം സമ്മതിക്കുകയും എമിറേറ്റ്സ് ഐസിസി എലൈറ്റ് പാനല് ഓഫ് മാച്ച് റഫറി ആന്ഡി പൈക്രോഫ്റ്റ് (Andy Pycroft) നിര്ദ്ദേശിച്ച ശിക്ഷ അംഗീകരിക്കുകയും ചെയ്തു, അതിനാല് ഒരു ഔപചാരിക വാദം കേള്ക്കേണ്ട ആവശ്യമില്ലെന്ന് ഐസിസി പ്രസ്താവനയില് പറയുന്നു.
മെഡിക്കല് ആവശ്യങ്ങള്ക്ക് മാത്രമാണ് ക്രീം വിരലില് പുരട്ടിയതെന്ന വിശദീകരണത്തില് മാച്ച് റഫറി തൃപ്തനായിരുന്നു. ക്രീം പന്തില് കൃത്രിമ പദാര്ത്ഥമായി പ്രയോഗിച്ചിട്ടില്ല. അത് പന്തിന്റെ അവസ്ഥയില് മാറ്റം വരുത്തിയില്ല. അങ്ങിനെ ചെയ്തിരുന്നെങ്കില് അത് ഐസിസി കളി വ്യവസ്ഥകളുടെ ക്ലോസ് 41.3-ന്റെ ലംഘനമാകുമായിരുന്നെന്ന് ഐസിസി പ്രസ്താവന കൂട്ടിച്ചേര്ത്തു. ഇന്ത്യ പന്തില് കൃത്രിമം കാണിക്കുന്നതായി ഓസ്ട്രേലിയന് മാധ്യമങ്ങള് ആരോപിച്ചിരുന്നു. മുന് ഓസ്ട്രേലിയന് ക്യാപ്റ്റന് ടിം പെയ്ന് ട്വിറ്ററില് ഒരു കമന്റിലൂടെ സംഭവത്തില് പ്രതികരിക്കുകയും ചെയ്തു.
ആദ്യ ടെസ്റ്റില് ഇന്ത്യ ഇന്നിംഗ്സിനും 132 റണ്സിനുമാണ് ജയിച്ചത്. ഓസ്ട്രേലിയ ആദ്യ ഇന്നിംഗ്സില് 177 റണ്സിനും രണ്ടാം ഇന്നിംഗ്സില് 91 റണ്സിനും പുറത്തായി. ടെസ്റ്റില് ആകെ 7 വിക്കറ്റ് വീഴ്ത്തിയ ജഡേജ 70 റണ്സും നേടിയാണ് കളിയിലെ താരമായത്. ജയത്തോടെ 4 മത്സര പരമ്പരയില് ഇന്ത്യ 1-0 ത്തിന് മുന്നിലെത്തി. രണ്ടാം മത്സരം ഫെബ്രുവരി 17 മുതല് 21 വരെ ഡല്ഹിയില് നടക്കും.
Read Latest Sports News And Malayalam News
സംഭവത്തില് രവീന്ദ്ര ജഡേജയുടെ മാച്ച് ഫീസിന്റെ 25% ഐസിസി പിഴ ചുമത്തി. 24 മാസത്തിനിടയിലെ ആദ്യ കുറ്റമായതിനാല് അദ്ദേഹത്തിന് ഒരു ഡീമെറിറ്റ് പോയിന്റും നല്കി. ക്രീം പ്രയോഗിച്ചത് മെഡിക്കല് ആവശ്യങ്ങള്ക്ക് മാത്രമാണെന്നും ഏതെങ്കിലും തരത്തിലുള്ള പന്തില് കൃത്രിമം കാണിക്കാനല്ലെന്നും തനിക്ക് ബോധ്യപ്പെട്ടതായി മാച്ച് റഫറി വ്യക്തമാക്കി.
ഓസ്ട്രേലിയയുടെ ആദ്യ ഇന്നിംഗ്സിന്റെ 46-ാം ഓവറിലാണ് സംഭവം നടന്നത്. ഓണ്-ഫീല്ഡ് അമ്പയര്മാരോട് അതിനുള്ള അനുവാദം ചോദിക്കാതെ ജഡേജ തന്റെ ബൗളിംഗ് കൈയുടെ ചൂണ്ടുവിരലിലെ വീക്കത്തിന് ക്രീം പുരട്ടിയിരുന്നു. ഇതിന്റെ വീഡിയോ വൈറലായി മാറുകയും ചെയ്തു. ഇതേതുടര്ന്നാണ് മാച്ച് റഫറി അന്വേഷണം നടത്തി റിപ്പോര്ട്ട് സമര്പ്പിച്ചത്.
ജഡേജ കുറ്റം സമ്മതിക്കുകയും എമിറേറ്റ്സ് ഐസിസി എലൈറ്റ് പാനല് ഓഫ് മാച്ച് റഫറി ആന്ഡി പൈക്രോഫ്റ്റ് (Andy Pycroft) നിര്ദ്ദേശിച്ച ശിക്ഷ അംഗീകരിക്കുകയും ചെയ്തു, അതിനാല് ഒരു ഔപചാരിക വാദം കേള്ക്കേണ്ട ആവശ്യമില്ലെന്ന് ഐസിസി പ്രസ്താവനയില് പറയുന്നു.
മെഡിക്കല് ആവശ്യങ്ങള്ക്ക് മാത്രമാണ് ക്രീം വിരലില് പുരട്ടിയതെന്ന വിശദീകരണത്തില് മാച്ച് റഫറി തൃപ്തനായിരുന്നു. ക്രീം പന്തില് കൃത്രിമ പദാര്ത്ഥമായി പ്രയോഗിച്ചിട്ടില്ല. അത് പന്തിന്റെ അവസ്ഥയില് മാറ്റം വരുത്തിയില്ല. അങ്ങിനെ ചെയ്തിരുന്നെങ്കില് അത് ഐസിസി കളി വ്യവസ്ഥകളുടെ ക്ലോസ് 41.3-ന്റെ ലംഘനമാകുമായിരുന്നെന്ന് ഐസിസി പ്രസ്താവന കൂട്ടിച്ചേര്ത്തു. ഇന്ത്യ പന്തില് കൃത്രിമം കാണിക്കുന്നതായി ഓസ്ട്രേലിയന് മാധ്യമങ്ങള് ആരോപിച്ചിരുന്നു. മുന് ഓസ്ട്രേലിയന് ക്യാപ്റ്റന് ടിം പെയ്ന് ട്വിറ്ററില് ഒരു കമന്റിലൂടെ സംഭവത്തില് പ്രതികരിക്കുകയും ചെയ്തു.
ആദ്യ ടെസ്റ്റില് ഇന്ത്യ ഇന്നിംഗ്സിനും 132 റണ്സിനുമാണ് ജയിച്ചത്. ഓസ്ട്രേലിയ ആദ്യ ഇന്നിംഗ്സില് 177 റണ്സിനും രണ്ടാം ഇന്നിംഗ്സില് 91 റണ്സിനും പുറത്തായി. ടെസ്റ്റില് ആകെ 7 വിക്കറ്റ് വീഴ്ത്തിയ ജഡേജ 70 റണ്സും നേടിയാണ് കളിയിലെ താരമായത്. ജയത്തോടെ 4 മത്സര പരമ്പരയില് ഇന്ത്യ 1-0 ത്തിന് മുന്നിലെത്തി. രണ്ടാം മത്സരം ഫെബ്രുവരി 17 മുതല് 21 വരെ ഡല്ഹിയില് നടക്കും.
Read Latest Sports News And Malayalam News