'സാഹ ദി സൂപ്പ‍ർമാൻ', പിങ്ക് ബോളിനെ പറന്ന് പിടിച്ച് ഇന്ത്യൻ കീപ്പ‍ർ; സ്വന്തം നാട്ടുകാർക്ക് മുമ്പിൽ അപൂർവ റെക്കോർഡ്!!

കൊൽക്കത്ത: ഈഡൻ ഗാർഡനിലെ ഡേ നൈറ്റ് ടെസ്റ്റിൽ സ്വന്തം കാണികളുടെ മുന്നിൽ റെക്കോർഡ് സ്വന്തമാക്കി വിക്കറ്റ് കീപ്പർ വൃദ്ധിമാൻ സാഹ. ടെസ്റ്റിൽ 100 ഇരകളെ പുറത്താക്കുന്ന അഞ്ചാമത് വിക്കറ്റ് കീപ്പർ എന്ന റെക്കോർഡാണ് സാഹ സ്വന്തമാക്കിയത്. ഉമേഷ് യാദവിൻെറ പന്തിൽ ഷദ്മാൻ ഇസ്ലാമിൻെറ ക്യാച്ചെടുത്തപ്പോഴാണ് സാഹ റെക്കോർഡ് സ്വന്തമാക്കിയത്.


മത്സരത്തിൽ രണ്ട് പേരെ പുറത്താക്കിയ സാഹ 101 ഇരകളെയാണ് ഇപ്പോൾ ആകെ പുറത്താക്കിയത്. മഹേന്ദ്ര സിങ് ധോണിയാണ് ഇന്ത്യൻ വിക്കറ്റ് കീപ്പർമാരിൽ ടെസ്റ്റിൽ ഏറ്റവും കൂടുതൽ ഇരകളെ പുറത്താക്കിയിട്ടുള്ളത്. 294 വിക്കറ്റുകളിലാമ് ധോണി പങ്കാളിയായിട്ടുള്ളത്.

Also Read: റിഷഭ് പന്തിനെന്താ കൊമ്പുണ്ടോ, ഇനിയും എത്ര അവസരങ്ങൾ നൽകും ? സഞ്ജു സാംസണിനെ ഒഴിവാക്കിയതിനെതിരെ ആരാധകർ; ഒടുവിൽ പ്രതികരണവുമായി സഞ്ജുവും

ധോണിയുടെ റെക്കോർഡിനൊപ്പവും സാഹയെത്തി. 36 ടെസ്റ്റ് മത്സരങ്ങളിൽ നിന്നായിരുന്നു ധോണി 100 ഇരകൾ എന്ന റെക്കോർഡ് നേടിയത്. സാഹയും ഇത്രയും മത്സരത്തിൽ നിന്ന് തന്നെയാണ് ഈ നേട്ടം കൈവരിച്ചിരിക്കുന്നത്.