ആർച്ചറെ നേരിടാൻ വിയർക്കും
ഇംഗ്ലീഷ് പേസ‍ർ ജോഫ്ര ആർച്ചറെ നേരിടാൻ ഇന്ത്യ വിയ‍ർക്കുമെന്ന് ജോസ് ബട്ട്ലർ പറയുന്നു. ബട്ട‍്‍ലറിൻെറ അഭിപ്രായത്തിൽ ഇംഗ്ലണ്ട് ടീമിലെ ഒരു എക്സ് ഫാക്ടർ ആർച്ചർ തന്നെയാണ്. "ജോഫ്ര ടീമിൽ തിരിച്ചെത്തുന്നതിൽ സന്തോഷമുണ്ട്. ഇന്ത്യക്കെതിരെ കളിക്കുന്നതിൽ അദ്ദേഹവും ആവേശത്തിലാണ്. ആൻഡേഴ്സണും ബ്രോഡും ആർച്ചറും ചേരുന്ന ബോളിങ് നിര ലോകോത്തരമാണ്," ബട്ട്ലർ പറഞ്ഞു.
(Getty Images)
സ്റ്റോക്സ് കളിയുടെ ഗതിമാറ്റും
ബെൻ സ്റ്റോക്സാണ് ബട്ട‍്‍ലറിൻെറ എക്സ് ഫാക്ടർ പട്ടികയിലെ രണ്ടാമത്തെയാൾ. മത്സരത്തെ ഏത് ഘട്ടത്തിലും ഗതിമാറ്റാൻ സാധിക്കുന്നയാളാണ് സ്റ്റോക്സ്. ബാറ്റിങിലും ബോളിങിലും ഫീൽഡിങിലും സ്റ്റോക്സ് ഒരുപോലെ തിളങ്ങും. അസ്സൽ മാച്ച് വിന്നറായ സ്റ്റോക്സിനെതിരെ ഇന്ത്യ തന്ത്രങ്ങൾ മെനയേണ്ടി വരും. കഴിഞ്ഞ ആഷസിൽ ഓസ്ട്രേലിയയെ വിറപ്പിച്ച പ്രകടനമാണ് സ്റ്റോക്സ് നടത്തിയിരുന്നത്.
(Getty Images)
Also Read: സച്ചിന് സാധിക്കാത്തത് വെംഗ്‌സാര്‍ക്കര്‍ മൂന്ന് വട്ടം സാധിച്ചു! ഇംഗ്ലണ്ടിനെതിരെ ടോപ് സ്കോറ‍ർമാർ ഇവ‍ർ!
റൊട്ടേഷൻ സമ്പ്രദായം ഗുണകരം
കളിക്കാർക്ക് വിശ്രമം അനുവദിക്കുന്ന ഇംഗ്ലണ്ടിൻെറ റൊട്ടേഷൻ സമ്പ്രദായം ഗുണകരമാണെന്ന് ബട്ട്ലർ അഭിപ്രായപ്പെട്ടു. ബെൻ സ്റ്റോക്സ്, ആർച്ചർ, ബേൺസ് എന്നിവർക്ക് ശ്രീലങ്കക്കെതിരായ ടെസ്റ്റ് പരമ്പരയിൽ വിശ്രമം അനുവദിച്ചിരുന്നു. ഇപ്പോൾ ഇന്ത്യക്കെതിരെ ബെയർസ്റ്റോ, സാം കറൻ, മാർക് വുഡ് എന്നിവർ കളിക്കുന്നില്ല. ബെയർസ്റ്റോ ആദ്യ രണ്ട് ടെസ്റ്റിന് ശേഷം ടീമിനൊപ്പം ചേരും.