റിഷഭ് പന്ത് ഇങ്ങനെ കളിച്ചാൽ മതിയോ
ഇന്ത്യയുടെ പ്രധാന ബാറ്റ്സ്മാൻമാരെല്ലാം ഈ പരമ്പരയിൽ ഒരു അർധശതകമെങ്കിലും നേടിയിട്ടുണ്ട്. രവീന്ദ്ര ജഡേജയും ബാറ്റിങിൽ തൻെറതായ സംഭാവനകൾ നൽകി. എന്നാൽ ഇക്കൂട്ടത്തിൽ ഏറ്റവും മോശം പ്രകടനം നടത്തുന്നത് വിക്കറ്റ് കീപ്പർ റിഷഭ് പന്താണ്. മൂന്ന് ടെസ്റ്റ് മത്സരങ്ങളിലായി ഇത് വരെ വെറും 87 റൺസാണ് പന്ത് നേടിയത്. ഈ ഫോമില്ലായ്മ ഇന്ത്യക്ക് വലിയ തിരിച്ചടിയാവുന്നുണ്ട്.
(PC: AP/PTI)
വലിയ തലവേദനയെന്ന് ചോപ്ര
നിലവിൽ ഇന്ത്യ നേരിടുന്ന ഏറ്റവും വലിയ തലവേദന റിഷഭ് പന്തിൻെറ മോശം ഫോമാണെന്നാണ് മുൻ ഇന്ത്യൻ താരം ആകാശ് ചോപ്ര വിലയിരുത്തുന്നു. വെറും 17.4 മാത്രമാണ് പരമ്പരയിൽ താരത്തിൻെറ ശരാശരി. പന്തിനെ പുറത്താക്കാനുള്ള കൃത്യമായ തന്ത്രങ്ങൾ ഇംഗ്ലീഷ് പേസർമാരുടെ കയ്യിലുണ്ട്. വളരെ പെട്ടെന്ന് ഈ തന്ത്രത്തിന് കീഴടങ്ങുകയാണ് പന്ത്.
(PC: AP/PTI)
Also Read: ജഡേജയും രഹാനെയും പുറത്തേക്ക്? പകരം ഇവർ വരട്ടെ, നാലാം ടെസ്റ്റിന് നിർദ്ദേശവുമായി ബ്രാഡ് ഹോഗ്!!
രാഹുലിനെ കീപ്പറാക്കണോ?
റിഷഭ് പന്തിനെ മത്സരത്തിൽ നിന്ന് മാറ്റിനിർത്തണമെന്ന നിർദ്ദേശമാണ് മുൻ ഓസീസ് താരം ബ്രാഡ് ഹോഗിനുള്ളത്. ഇക്കാര്യത്തിൽ വളരെ വിചിത്രമായ ഒരു അഭിപ്രായവും അദ്ദേത്തിനുണ്ട്. കെഎൽ രാഹുലിനെ വിക്കറ്റ് കീപ്പറാക്കിക്കൂടേയെന്ന് ഹോഗ് ചോദിക്കുന്നു. രാഹുലിന് ഓപ്പണറുടെ റോളും കീപ്പറുടെ റോളും ഒരുമിച്ച് വഹിക്കാനാവുമോയെന്ന് ശ്രദ്ധിക്കണം. അങ്ങനെയെങ്കിൽ ഇന്ത്യക്ക് സൂര്യകുമാർ യാദവിനെ 6ാം നമ്പറിൽ ഇറക്കാമെന്നും ഹോഗ് പറഞ്ഞു.
(PC: AP/PTI)