ഇന്ത്യ 395ന് പുറത്ത്: എസ്സെക്‌സ് തിരിച്ചടിക്കുന്നു

ചെംസ്ഫോര്‍ഡ്: കൗണ്ടി ക്ലബ്ബ് എസ്സെക‍്‍സിനെതിരായ ത്രിദിന സന്നാഹ മത്സരത്തിൽ ഇന്ത്യ ആദ്യ ഇന്നിങ്‍സിൽ 395 റൺസിന് എല്ലാവരും പുറത്തായി. രണ്ടാം ദിനം കളി നിർത്തുമ്പോൾ എസ്സെക്‌സ് അഞ്ച് വിക്കറ്റ് നഷ്ടത്തില്‍ 237 റണ്‍സെടുത്തു. ഉമേഷ് യാദവും ഇശാന്ത് ശർമ്മയും ഇന്ത്യക്ക് വേണ്ടി 2 വീതം വിക്കറ്റുകൾ വീഴ്ത്തി.

ഇന്ത്യയ്ക്കു വേണ്ടി ദിനേഷ് കാര്‍ത്തിക് (82), ക്യാപ്റ്റന്‍ വിരാട് കോലി (68), ലോകേഷ് രാഹുല്‍ (58), മുരളി വിജയ് (53), ഹാര്‍ദിക് പാണ്ഡ്യ (51) എന്നിവരുടെ അർധസെഞ്ച്വറികളാണ് ഇന്ത്യയെ ഭേദപ്പെട്ട സ്കോറിലെത്തിച്ചത്. ശിഖർ ധവാൻ റൺസൊന്നുമെടുക്കാതെ പുറത്തായപ്പോൾ പൂജാര ഒരു റണ്ണെടുത്ത് മടങ്ങി.