ആദ്യ ടി20യിന്‍ മിന്നും ജയം
വെള്ളിയാഴ്ച നടന്ന ആദ്യ ട്വന്‍20റി മത്സരത്തില്‍ ആധികാരിക ജയമാണ് ഇന്ത്യ സ്വന്തമാക്കിയത്. ആദ്യം ബാറ്റ് ചെയ്ത കിവീസ് കൂറ്റന്‍ സ്കോര്‍ പടുത്തുയര്‍ത്തിയെങ്കിലും ഇന്ത്യന്‍ ബാറ്റ്സ്മാന്‍മാര്‍ക്ക് മുന്നില്‍ ന്യൂസിലാന്‍റ് ബൗളര്‍മാര്‍ക്ക് പിടിച്ചുനില്‍ക്കാന്‍ കഴിഞ്ഞില്ല. ശ്രേയസ് അയ്യരും മനീഷ് പാണ്ഡെയും ചേര്‍ന്നാണ് ഇന്ത്യയ്ക്ക് ആറ് വിക്കറ്റ് ജയം സമ്മാനിച്ചത്.
രണ്ടാം ട്വന്‍റിയില്‍ നിര്‍ണായക മാറ്റങ്ങള്‍
ആദ്യമത്സരത്തില്‍ ജയം നേടിയെങ്കിലും രണ്ടാം ട്വന്‍റി20 മത്സരത്തിനുള്ള ഇന്ത്യന്‍ ടീമില്‍ ചില മാറ്റങ്ങള്‍ വരുത്തിയേക്കുമെന്നാണ് സൂചന. നവ്ദാപ് സൈനി, കുല്‍ദീപ് യാദവ് എന്നീ യുവതാരങ്ങളെ മത്സരത്തില്‍ പരീക്ഷിക്കാന്‍ ടീം തയ്യാറായേക്കും. ശാര്‍ദുല്‍ താക്കൂറിന് പകരക്കാരനായിട്ടായിരിക്കും നവ്ദീപ് സൈനി ടീമിലെത്തുക. അതേസമയം വിക്കറ്റ് കീപ്പര്‍ സ്ഥാനത്ത് കെഎല്‍ രാഹുല്‍ തന്നെ തുടര്‍ന്നേക്കും.
ഇന്ത്യയുടെ സാധ്യതാ ഇലവന്‍
രോഹിത് ശര്‍മ, കെ എല്‍ രാഹുല്‍(വിക്കറ്റ് കീപ്പര്‍), വിരാട് കോലി(ക്യാപ്റ്റന്‍), ശ്രേയസ് അയ്യര്‍, മനീഷ് പാണ്ഡെ, ശിവം ദുബെ, രവീന്ദ്ര ജഡേജ, യുസ്‌വേന്ദ്ര ചാഹല്‍, ജസ്‌പ്രീത് ബുമ്ര, മുഹമ്മദ് ഷമി, നവ്ദീപ് സൈനി
കിവീസ് നിരയില്‍ മാറ്റമുണ്ടാകില്ല
ആദ്യ ടി20 മത്സരത്തില്‍ പരാജയം ഏറ്റുവാങ്ങേണ്ടി വന്നെങ്കിലും മികച്ച പ്രകടനം തന്നെയാണ് ന്യൂസിലാന്‍റ് ടീം കാഴ്ച വെച്ചത്. കൂറ്റന്‍ സ്കോര്‍ പടുത്തുയര്‍ത്താനും ടീമിന് സാധിച്ചു. എന്നാല്‍ ബൗളിങ് നിരയ്ക്ക് ദുരനുഭവം ഉണ്ടായെങ്കിലും രണ്ടാം മത്സരത്തിലും ടീമില്‍ മാറ്റമൊന്നും ഇല്ലാതെയാവും ന്യൂസിലാന്‍റ് ഇറങ്ങുക.