ഓക്ക്ലൻറ്: ന്യൂസിലൻറിനെതിരായ രണ്ടാം ട്വൻറി20 മത്സരത്തിൽ ശക്തമായി തിരിച്ചെത്താൻ ടീം ഇന്ത്യ. ആദ്യ മത്സരത്തിലെ ദയനീയ പരാജയം ഇന്ത്യക്ക് കനത്ത തിരിച്ചടിയാണ്. ബാറ്റിങ് - ബോളിങ് ഡിപ്പാർട്ട്മെൻറുകൾ മത്സരത്തിൽ അമ്പേ പരാജയപ്പെട്ടിരുന്നു. പിഴവുകൾ തിരുത്തി രണ്ടാം മത്സരത്തിന് ഇറങ്ങാനാണ് ടീം ആഗ്രഹിക്കുന്നത്. ആദ്യ മത്സരത്തിൽ നിന്നുള്ള ടീമിൽ നിന്ന് മാറ്റങ്ങൾക്ക് സാധ്യതയുണ്ടെന്നാണ് സൂചനകൾ. പേസർ ഖലീൽ അഹമ്മദിന് പകരക്കാരനായി സിദ്ദാർഥ് കൗളിനെയോ മുഹമ്മദ് സിറാജിനെയോ കളിപ്പിച്ചേക്കും. സ്പിന്നർമാരായ ചാഹലും കൃണാൽ പാണ്ഡ്യയും കഴിഞ്ഞ മത്സരത്തിൽ കളിച്ചിരുന്നു. ഒരാൾക്ക് പകരക്കാരനായി കുൽദീപ് യാദവിനെ കളിപ്പിക്കാനും സാധ്യതയുണ്ട്.
ബാറ്റിങ് നിരയിൽ വലിയ മാറ്റങ്ങൾക്ക് സാധ്യത കുറവാണ്. വിജയ് ശങ്കർ മൂന്നാമനായി ഇറങ്ങി ഭേദപ്പെട്ട പ്രകടനം കാഴ്ച വെച്ചിരുന്നു. ശുഭ്മാൻ ഗില്ലിനെ കളിപ്പിക്കുമോ എന്നത് മാത്രമാണ് ആരാധകർ ഉറ്റു നോക്കുന്നത്.
ബാറ്റിങ് നിരയിൽ വലിയ മാറ്റങ്ങൾക്ക് സാധ്യത കുറവാണ്. വിജയ് ശങ്കർ മൂന്നാമനായി ഇറങ്ങി ഭേദപ്പെട്ട പ്രകടനം കാഴ്ച വെച്ചിരുന്നു. ശുഭ്മാൻ ഗില്ലിനെ കളിപ്പിക്കുമോ എന്നത് മാത്രമാണ് ആരാധകർ ഉറ്റു നോക്കുന്നത്.