സൂപ്പർമാൻ കിങ് കോലി; നിക്കോൾസിനെ റണ്ണൗട്ടാക്കിയത് മിന്നൽ വേഗത്തിൽ - വീഡിയോ കാണാം

ന്യൂസിലൻറ് ഓപ്പണർ ഹെൻറി നിക്കോൾസിനെ പുറത്താക്കാൻ തകർപ്പൻ ഫീൽഡിങ് പ്രകടനവുമായി ഇന്ത്യൻ നായകൻ വിരാട് കോലി. മിന്നൽ വേഗത്തിലാണ് കോലി നിക്കോൾസിനെ പുറത്താക്കിയത്. മികച്ച രീതിയിൽ മുന്നോട്ട് പോവുകയായിരുന്ന കിവീസിന് കനത്ത തിരിച്ചടി കൂടി സമ്മാനിക്കുന്നതായിരുന്നു ഈ വിക്കറ്റ്. 82 പന്തിൽ നിന്ന് 78 റൺസെടുത്താണ് നിക്കോൾസ് പുറത്തായത്.

28.3 ഓവറിൽ ന്യൂസിലൻറ് മൂന്ന് വിക്കറ്റ് നഷ്ടത്തിൽ 171 റൺസെടുത്ത് നിൽക്കുമ്പോഴായിരുന്നു അപ്രതീക്ഷിത റണ്ണൗട്ട്. ജസ്പ്രീത് ബുംറയുടെ പന്ത് റോസ് ടെയ‍്‍ലറിൻെറ പാഡിൽ തട്ടിയപ്പോൾ വേഗത്തിൽ സിംഗിൾ ഓടാനായിരുന്നു നിക്കോൾസിൻെറ ശ്രമം. എന്നാൽ അതിലും വേഗത്തിൽ കോലി തൻെറ പദ്ധതി ഫീൽഡിൽ നടപ്പാക്കി.

Also Read: ടെൻറിൽ കഴിഞ്ഞു, വിശപ്പ് സഹിച്ചു, ജീവിക്കാൻ വേണ്ടി പാനി പൂരി വിറ്റു; അണ്ടർ 19 ലോകകപ്പിൽ ഇന്ത്യയെ ഫൈനലിൽ എത്തിച്ച യശസ്വിയുടെ ജീവിതം ഇങ്ങനെയൊക്കെയാണ്!!

ഷോർട്ട് എക്സ്ട്രാ കവറിൽ നിന്ന് ഓടിയെത്തിയ കോലി പന്തെടുത്ത് ഡൈവ് ചെയ്ത് വിക്കറ്റ് ഇളക്കുകയായിരുന്നു. ക്രീസിലേക്ക് ഓടിയെത്തുന്നതിനിടെ ഡൈവ് ചെയ്യാൻ നിക്കോൾസും ശ്രമിച്ചെങ്കിലും കോലിയെ തോൽപ്പിക്കാനായില്ല.

Also Read: കോലി ആ താരത്തോട് ചെയ്യുന്നത് നീതികേട്; ഒന്നാം ഏകദിനത്തിലെ പ്ലേയിങ് ഇലവനെതിരെ വിമർശനവുമായി ആരാധകർ!!

വീഡിയോ കാണാം: