IND vs SA T20: രണ്ട് താരങ്ങൾക്ക് നിർണായകം; ടീം സാധ്യതകൾ, കാലാവസ്ഥാ പ്രവചനം ഇങ്ങനെ

മൊഹാലി: ഇന്ത്യയുടെ ഇത്തവണത്തെ ഹോം സീസണിന് മഴയിൽ കുതിർന്ന തുടക്കമാണ് ലഭിച്ചത്. ദക്ഷിണാഫ്രിക്കക്കെതിരായ ഒന്നാം ടി20 ധരംശാലയിൽ ഉപേക്ഷിക്കേണ്ടി വന്നു. മഴ കാരണം ടോസ് പോലും ഇടാതെയാണ് മത്സരം ഉപേക്ഷിച്ചത്. മൊഹാലിയിൽ ബുധനാഴ്ച രണ്ടാം ടി20 മത്സരത്തിന് ഒരുങ്ങുകയാണ് ടീം ഇന്ത്യ.

ദക്ഷിണാഫ്രിക്കക്കെതിരെ ഇത് വരെ ടി20യിൽ നാട്ടിൽ ഇന്ത്യക്ക് വിജയിക്കാൻ സാധിച്ചിട്ടില്ല. മത്സരം ജയിച്ചാൽ വിരാട് കോഹ്ലിക്കും കൂട്ടർക്കും അത് പുതിയ നേട്ടമാവും.

Read More: പന്തിന് സമ്മർദ്ദം, ടി20 പരമ്പര നിർണായകം; ഊഴം കാത്ത് സഞ്ജുവും കിഷനും

ടീം സാധ്യതകൾ ഇങ്ങനെ:

ഓപ്പണിങിൽ രോഹിത് ശർമയും ശിഖർ ധവാനും തന്നെയായിരിക്കും എത്തുക. എന്നാ ധവാൻെറ ഫോം ഇല്ലായ്മ ഇന്ത്യക്ക് വലിയ തലവേദനയാണ്. ഒരവസം കൂടി ധവാന് ലഭിച്ചേക്കും. ഇല്ലെങ്കിൽ കെഎൽ രാഹുലിനെ ടീം പരിഗണിച്ചേക്കാം. മൂന്നാം നമ്പറിൽ നായകൻ വിരാട് കോഹ്ലി തന്നെ എത്തും.


നാലാമത് ആരിറങ്ങുമെന്ന് ഇപ്പോഴും ഉറപ്പിച്ച് പറയാനാവില്ല. സാഹചര്യങ്ങൾക്ക് അനുസരിച്ച് ഋഷഭ് പന്ത്, ശ്രേയസ് അയ്യർ, മനീഷ് പാണ്ഡെ എന്നിവരിൽ ഒരാളായിരിക്കും എത്തുക. ടി20 എക്സ് ഫാക്ടർ ഹാർദിക് പാണ്ഡ്യയും ടീമിൽ തിരികെയെത്തും.

Read More: ലോകത്തിലെ മികച്ച ബാറ്റ്സ്മാൻ അവൻ തന്നെ; താരതമ്യത്തിൻെറ ആവശ്യമില്ലെന്ന് ഗാംഗുലി

കൃണാൽ പാണ്ഡ്യ, രവീന്ദ്ര ജഡേജ, രാഹുൽ ചാഹർ എന്നിവരിൽ ചാഹറായിരിക്കും സ്പെഷ്യലിസ്റ്റ് സ്പിന്നറായി എത്തുക. ദീപക് ചാഹർ, നവദീപ് സെയ്നി, ഖലീൽ അഹമ്മദ് എന്നിവരായിരിക്കും ടീമിലെ പേസർമാർ.

ശിഖർ ധവാനൊപ്പം ഋഷഭ് പന്തിനും മത്സരം വളരെ നിർണായകമാണ്. പ്രതിഭ തെളിയിച്ചില്ലെങ്കിൽ പന്തിന് കാര്യങ്ങൾ എളുപ്പമാവില്ലെന്ന് പരിശീലകൻ രവി ശാസ്ത്രി തന്നെ കഴിഞ്ഞ ദിവസം സൂചന നൽകിയിരുന്നു.

കാലാവസ്ഥാ പ്രവചനം:

മൊഹാലിയിൽ ധരംശാലയിലെ പോലെയല്ല കാര്യങ്ങൾ. ഇന്ത്യയിലെ റണ്ണൊഴുകുന്ന പിച്ചുകളിൽ ഒന്നാണ് മൊഹാലി. നിലവിൽ നല്ല കാലാവസ്ഥയായിരിക്കും എന്നാണ് സൂചനകൾ. മഴയ്ക്ക് സാധ്യത ഇല്ലെന്നാണ് കാലാവസ്ഥാ പ്രവചനം. വൈകീട്ട് ഏഴ് മണിക്കാണ് മത്സരം ആരംഭിക്കുക.

Read More: ടി20 ലോകകപ്പിന് മുമ്പ് ടീമിൽ പരീക്ഷണം; രണ്ട് താരങ്ങൾ പുറത്താവും; ബാറ്റിങിന് കൂടുതൽ കരുത്ത്