ഒരു ടി20യിൽ മൂന്ന് മെയ്‍ഡൻ, ചരിത്രം കുറിച്ച് ദീപ്തി ശർമ; ഈ നേട്ടം സ്വന്തമാക്കുന്ന ആദ്യ ഇന്ത്യൻ താരം

സൂറത്ത്: ദക്ഷിണാഫ്രിക്കക്ക് എതിരെ നടന്ന ഒന്നാം ടി20യിൽ ചരിത്രം കുറിച്ച് ഇന്ത്യൻ വനിതാതാരം ദീപ്തി ശർമ. എട്ട് റൺസ് വഴങ്ങി മൂന്ന് വിക്കറ്റെടുത്ത താരമാണ് ഇന്ത്യയെ വിജയത്തിലേക്ക് നയിച്ചത്. ദീപ്തി ആകെ എറിഞ്ഞ നാല് ഓവറിൽ മൂന്നെണ്ണവും മെയ്‍ഡൻ ആയിരുന്നു.

ട്വൻറി20 ക്രിക്കറ്റിൽ ആദ്യമായാണ് ഒരു ഇന്ത്യൻ താരം ഒരു മത്സരത്തിൽ മൂന്ന് മെയ്‍ഡൻ ഓവറുകൾ എറിയുന്നത്. മത്സരത്തിൽ എറിഞ്ഞ 19ാം പന്തിലാണ് ദീപ്തി ആദ്യ റൺ വിട്ടുകൊടുത്തത്. നാല് ഓവറുകളിലും ഓരോ വിക്കറ്റുകളും അവർ വീഴ്ത്തി.

Read More: ധോണിയുടെ അഭാവത്തിൽ രോഹിതിന് പുതിയ റോൾ ? ലക്ഷ്യം ടി20 ലോകകപ്പ്, ടീം ഇന്ത്യയിൽ കാര്യങ്ങൾ മാറുന്നത് ഇങ്ങനെ!!

മത്സരത്തിൽ 11 റൺസിനാണ് ഇന്ത്യ വിജയിച്ചത്. മത്സരത്തിൽ ആദ്യം ബാറ്റ് ചെയ്ത ഇന്ത്യ 130 റൺസാണ് എടുത്തിരുന്നത്. 43 റൺസെടുത്ത ക്യാപ്റ്റൻ ഹർമൻ പ്രീത് കൗറാണ് ടോപ് സ്കോറർ. 119 റൺസിന് ദക്ഷിണാഫ്രിക്കയെ ഇന്ത്യ ഓൾ ഔട്ടാക്കി.

Read More: ഒടുവില്‍ ജസ്പ്രീത് ബുംറയും വീണു!! ദക്ഷിണാഫ്രിക്കക്കെതിരെ കുന്തമുന ഇല്ലാതെ ഇന്ത്യന്‍ ബൗളിംഗ്.. ആരാണ് കുറ്റക്കാര്‍?