ഏഴ് വിക്കറ്റ് നഷ്ടം: കേപ്ടൗണില്‍ ഇന്ത്യ പൊരുതുന്നു

കേപ്‌ടൗൺ: ദക്ഷിണാഫ്രിക്കക്കെതിരായ ഒന്നാം ടെസ്റ്റിന്‍റെ ആദ്യ ഇന്നിങ്‌സിൽ ഇന്ത്യ പൊരുതുന്നു. 48 ഓവറിൽ രണ്ട് പന്തുകൾക്ക് ഏഴ് വിക്കറ്റ് നഷ്ടത്തിൽ 112 റൺസ് എന്ന നിലയിലാണ് ഇന്ത്യ. 28 റൺസ് എടുക്കുന്നതിനിടയിൽ ഇന്ത്യക്ക് മൂന്ന് വിക്കറ്റ് നഷ്ടമായതോടെ പ്രതിരോധത്തിലൂന്നിയാണ് കളിച്ചത്.

ദക്ഷിണാഫ്രിക്കക്ക് വേണ്ടി ബൗൾ ചെയ്ത എല്ല ബൗളർമാരും ഓരോ വിക്കറ്റ് വീതം വീഴ്ത്തി. ബൗളിങ്ങിന് അനുകൂലമായ പിച്ചിൽ 59 ബോളിൽ നിന്നാണ് പൂജാര 11 റൺസെടുത്തത്. ഭുവനേശ്വർ കുമാറും ഹാർദ്ദിക്‌ പാണ്ഡ്യയുമാണ് ഇപ്പോൾ ക്രീസിൽ. 44 പന്തിൽ നിന്ന് പാണ്ഡ്യ 47 റൺസ് നേടി. 286 റൺസാണ് ഇന്നലെ ഒന്നാം ഇന്നിങ്‌സിൽ ദക്ഷിണാഫ്രിക്ക നേടിയത്. ഇന്ത്യൻ ക്യാപ്റ്റൻ വിരാട് കോഹ്‌ലിക്ക് അഞ്ച് റൺസ് മാത്രമേ എടുക്കാൻ കഴിഞ്ഞുള്ളൂ.