'നിങ്ങൾ ടീമിനെ തെരഞ്ഞെടുത്തോളൂ': പൊട്ടിത്തെറിച്ച് കോഹ്‍ലി

പ്രിട്ടോറിയ: ടീം തെരഞ്ഞെടുപ്പുമായി ബന്ധപ്പെട്ടുള്ള വിമർശനങ്ങൾക്കെതിരെ പൊട്ടിത്തെറിച്ച് ഇന്ത്യൻ നായകൻ വിരാട് കോഹ്‍ലി. ദക്ഷിണാഫ്രിക്കക്കെതിരായ രണ്ടാം ടെസ്റ്റിലെ പരാജയത്തിന് ശേഷം മാധ്യമപ്രവർത്തകരോട് സംസാരിക്കുമ്പോഴായിരുന്നു അദ്ദേഹത്തിൻെറ രോഷപ്രകടനം.

"കളി ജയിച്ചാൽ നല്ല ടീമെന്നും തോറ്റാൽ മോശം ടീമെന്നും നിങ്ങൾ തന്നെ പറയും. ഇനി കളിക്ക് മുമ്പേ നിങ്ങൾ ടീമിനെ തെരഞ്ഞെടുക്കൂ. അങ്ങനെ കളിക്കാനിറങ്ങാം," കോഹ്‍ലി പറഞ്ഞു. ലോകത്ത് ഇപ്പോഴുള്ള ഏറ്റവും മികച്ച ടീം ഇന്ത്യയുടേതാണ്. ഇന്ത്യൻ മണ്ണിലും നമ്മൾ പരാജയപ്പെട്ടിട്ടുണ്ടെന്നും അദ്ദേഹം ഓർമ്മപ്പെടുത്തി.

രണ്ടാം ടെസ്റ്റിലും അജിങ്ക്യ രഹാനെയെ മാറ്റി നിർത്തി രോഹിത് ശർമ്മയെ കളിപ്പിക്കാൻ ഇറക്കിയത് എന്ത് കൊണ്ടാണെന്ന ചോദ്യമാണ് കോഹ്‍ലിയെ ചൊടിപ്പിച്ചത്.