കൊളംബൊ: ഇന്ത്യ ശ്രീലങ്ക ഏകദിന പരമ്പരയിലെ മൂന്നാം മത്സരം വെള്ളിയാഴ്ച കൊളംബൊ പ്രേമദാസ സ്റ്റേഡിയത്തില് നടക്കും. ഇന്ത്യന് സമയം വൈകിട്ട് 3 മണിക്കാണ് കളി ആരംഭിക്കുക. ആദ്യ രണ്ടു കളികളിലും ജയിച്ച ഇന്ത്യ പരമ്പര സ്വന്തമാക്കിയിരുന്നു. രണ്ടാം മത്സരത്തിലെ അവിശ്വസനീയ തോല്വിയില്നിന്നും തിരിച്ചുവരാനാകും ശ്രീലങ്കയുടെ ശ്രമം. ഇരു ടീമുകളിലും മാറ്റങ്ങളുണ്ടായേക്കും. പരമ്പര സ്വന്തമാക്കിയതോടെ ബെഞ്ചിന്റെ ശക്തിപരീക്ഷണത്തിനായിരിക്കും ഇന്ത്യ മുന്ഗണന കൊടുക്കുക. ആദ്യ രണ്ടു കളികളിലും പുറത്തിരിക്കേണ്ടിവന്നവരെ ഇന്ത്യ മൂന്നാം മത്സരത്തില് പരിഗണിച്ചേക്കും. ദേവദത്ത് പടിക്കല്, ചേതന് സക്കറിയ, കൃഷ്ണപ്പ ഗൗതം തുടങ്ങിയവര് അരങ്ങേറിയേക്കും. ഇഷാന് കിഷന് പകരം സഞ്ജു സാംസണിനും അവസരമുണ്ടാകുമെന്നാണ് പ്രതീക്ഷ. വരുണ് ചക്രവര്ത്തി, രാഹുല് ചാഹര് തുടങ്ങിയവരേയും പരിശീലകന് രാഹുല് ദ്രാവിഡ് കളിക്കിറക്കാനാണ് സാധ്യത. ഭുവനേശ്വര് കുമാര്, യുസ്വേന്ദ്ര ചാഹല്, കുല്ദീപ് യാദവ്, മനീഷ് പാണ്ഡെ തുടങ്ങിയവരെല്ലാം പുറത്തിരിക്കേണ്ടിവരും.
Also Read:ഒളിമ്പിക്സ് ഫുട്ബോള്: അര്ജന്റീനക്ക് തോല്വി, ജര്മനിയെ തകര്ത്ത് ബ്രസീല്
ആശ്വാസജയം തേടിയിറങ്ങുന്ന ശ്രീലങ്കന് ടീമിലും ചില മാറ്റങ്ങളുണ്ടാകുമെന്നാണ് സൂചന. രണ്ടാം മത്സരത്തില് ഞെട്ടിക്കുന്ന തോല്വി ഏറ്റുവാങ്ങിയെങ്കിലും കളിക്കാര് മികവുകാട്ടിയെന്നാണ് വിലയിരുത്തല്. പരിശീലകന് മിക്കി ആര്തറും ക്യാപ്റ്റന് ദസുന് ഷനകയും തമ്മിലുള്ള പ്രശ്നങ്ങള് അവസാനിപ്പിച്ചിട്ടുണ്ട്. ബൗളര് കസുന് രജിത പരിക്കുമൂലം കളിക്കില്ല. ലാഹിരു കുമാരയായിരിക്കും പകരക്കാരനായി എത്തുക. ലക്ഷണ് സന്ദകനു പകരം അഖില ധനഞ്ജയ്ക്കും സാധ്യതയുണ്ട്. സന്ദകന് ആദ്യ രണ്ടു കളികളിലും പ്രതീക്ഷിച്ച പ്രകടനം നടത്താനായില്ല. വിമര്ശനങ്ങളില്നിന്നും കരകയറാന് ശ്രീലങ്കയ്ക്ക് ജയം അനിവാര്യമാണ്.
Also Read:ഒളിമ്പിക്സ് ഫുട്ബോള്: അര്ജന്റീനക്ക് തോല്വി, ജര്മനിയെ തകര്ത്ത് ബ്രസീല്
ആശ്വാസജയം തേടിയിറങ്ങുന്ന ശ്രീലങ്കന് ടീമിലും ചില മാറ്റങ്ങളുണ്ടാകുമെന്നാണ് സൂചന. രണ്ടാം മത്സരത്തില് ഞെട്ടിക്കുന്ന തോല്വി ഏറ്റുവാങ്ങിയെങ്കിലും കളിക്കാര് മികവുകാട്ടിയെന്നാണ് വിലയിരുത്തല്. പരിശീലകന് മിക്കി ആര്തറും ക്യാപ്റ്റന് ദസുന് ഷനകയും തമ്മിലുള്ള പ്രശ്നങ്ങള് അവസാനിപ്പിച്ചിട്ടുണ്ട്. ബൗളര് കസുന് രജിത പരിക്കുമൂലം കളിക്കില്ല. ലാഹിരു കുമാരയായിരിക്കും പകരക്കാരനായി എത്തുക. ലക്ഷണ് സന്ദകനു പകരം അഖില ധനഞ്ജയ്ക്കും സാധ്യതയുണ്ട്. സന്ദകന് ആദ്യ രണ്ടു കളികളിലും പ്രതീക്ഷിച്ച പ്രകടനം നടത്താനായില്ല. വിമര്ശനങ്ങളില്നിന്നും കരകയറാന് ശ്രീലങ്കയ്ക്ക് ജയം അനിവാര്യമാണ്.