മഴ കളി മുടക്കി: ഇന്ത്യ Vs ശ്രീലങ്ക മത്സരം നിർത്തി വെച്ചു

കൊൽക്കത്ത: ഇന്ത്യയും ശ്രീലങ്കയും തമ്മിലുള്ള ക്രിക്കറ്റ് ടെസ്റ്റിൻെറ ആദ്യ ദിവസത്തെ മത്സരം മഴ മൂലം അവസാനിപ്പിച്ചു. രാവിലെ തുടങ്ങിയ മഴ ഉച്ച വരെ നീണ്ടു നിന്നിരുന്നു. മഴ മേഘങ്ങൾ മൂടിയത് കാരണം സ്റ്റേഡിയത്തിലെ വെളിച്ചവും കുറഞ്ഞു. ഇതേ തുടർന്നാണ് മത്സരം നിർത്താൻ തീരുമിനിച്ചത്.

11.5 ഓവർ മാത്രമാണ് എറിയാൻ കഴിഞ്ഞത്. ടോസ് നേടിയ ശ്രീലങ്ക ഇന്ത്യയെ ബാറ്റിങിന് അയച്ചു. ആദ്യ പന്തിൽ തന്നെ ഇന്ത്യക്ക് ആദ്യ വിക്കറ്റ് നഷ്ടമായി. മത്സരം അവസാനിപ്പിക്കുമ്പോൾ ഇന്ത്യ മൂന്ന് വിക്കറ്റ് നഷ്ടത്തിൽ 17 റൺസാണ് എടുത്തിട്ടുള്ളത്.

ലോകേഷ് രാഹുൽ, ക്യാപ്റ്റൻ വിരാട് കോഹ‍്‍ലി, ശിഖ‍ർ ധവാൻ എന്നിവരുടെ വിക്കറ്റാണ് നഷ്ടമായത്. ചേതേശ്വ‍ർ പുജാരയും അജിങ്ക്യ രഹാനെയുമാണ് ക്രീസിലുള്ളത്. ലങ്കയുടെ സുരംഗ ല‍ക‍്‍മൽ ആണ് മൂന്ന് വിക്കറ്റെടുത്ത് ഇന്ത്യക്ക് കനത്ത പ്രഹരമേൽപ്പിച്ചത്.