ലോകകപ്പ് സന്നാഹ മത്സരത്തിൽ ഇന്ത്യയ്ക്ക് വിജയം

കൊൽക്കത്ത: ട്വൻറി20 ലോകകപ്പ് സന്നാഹ മത്സരത്തിൽ ഇന്ത്യയ്ക്ക് വിജയം. വെസ്റ്റിൻഡീസിനെ 45 റൺസിനാണ് തോൽപ്പിച്ചത്. വെസ്റ്റ് ഇൻഡീസ് 140 റൺസിന് പുറത്തായി. ട്വന്റി20 ലോകകപ്പിന് മുന്നോടിയായുള്ള ആദ്യ സന്നാഹ മത്സരത്തിന് ഇന്ത്യ 20 ഒാവറിൽ അഞ്ചിന് 185 റൺസെടുത്തു. 98 റൺസെടുത്ത രോഹിത് ശ‍ർമ്മയുടെ ബാറ്റിങ്ങാണ് ഇന്ത്യയ്ക്ക് മികച്ച സ്കോ‍ർ നൽകിയത്.

യുവരാജ് സിംഗും ബാറ്റിങ്ങിൽ തിളങ്ങി. ധോണിയും കോഹ്ലിയും ബാറ്റിങ്ങിന് ഇറങ്ങിയില്ല. വെസ്റ്റീൻഡീസിനു വേണ്ടി സ്പിന്ന‍ർ സുലൈമൻ ബെൻ രണ്ടും ഡാരൻ സമി, ബ്രാത്ത് വെയ്റ്റ്, ജെറോം ടെയ് ല‍ർ, എന്നിവ‍ർ ഒരോ വിക്കറ്റും സ്വന്തമാക്കി. മാ‍ർച്ച് 15നാണ് ലോകകപ്പിൽ ഇന്ത്യയുടെ ആദ്യ മത്സരം. 12ന് ദക്ഷിണാഫ്രിക്കക്കെതിരെയാണ് രണ്ടാം സന്നാഹ മത്സരം.