മൂന്നാം ഏകദിനം ഇന്ന്; മേധാവിത്വം തുടരാന്‍ ഇന്ത്യ

ആന്‍റിഗ്വ: ഏകദിന പരമ്പരയിൽ ലീഡ് നേടാൻ ഇന്ത്യ ഇന്ന് വെസ്റ്റ് ഇന്‍ഡീസിന് എതിരെ. ഒരു മത്സരം വിജയിച്ച ഇന്ത്യ മികച്ച ഫോമിലാണ്. അഞ്ച് മത്സരങ്ങളുടെ പരമ്പരയില്‍ മൂന്നാം മത്സരമാണിത്. ആദ്യ മത്സരം മഴമൂലം ഉപേക്ഷിച്ചിരുന്നു.

ചാമ്പ്യന്‍സ് ട്രോഫി ഫൈനലില്‍ പാകിസ്ഥാനോട് പരാജയപ്പെട്ടതിന് ശേഷമാണ് ഇന്ത്യ വെസ്റ്റ് ഇന്‍ഡീസ് പര്യടനത്തിന് എത്തിയത്. പരിശീലകനെ തെരഞ്ഞെടുക്കുന്നതുമായി ബന്ധപ്പെട്ട വിവാദങ്ങളിലാണ് ഇന്ത്യന്‍ ടീം.

ബാറ്റ്സ്‍മാന്മാരിലാണ് ഇന്ത്യയുടെ പ്രതീക്ഷ. അജിങ്ക്യ രഹാനെ, ശിഖര്‍ ധവാന്‍, ക്യാപ്റ്റൻ വിരാട് കോഹ്‍ലി എന്നിവര്‍ നന്നായി ബാറ്റ് വീശിയാല്‍ ഈ മത്സരവും അനായാസം ജയിക്കാം. വെള്ളിയാഴ്‍ച്ച വൈകീട്ട് 6.30ന് ആണ് മത്സരം.

India vs West Indies third ODI today

A formidable India will fancy their chances of taking an unassailable 2-0 lead against a weakened West Indies when the two sides lock horns in the third game of the ongoing five-match ODI series.