വിരാട് കോഹ‍്‍ലി ഗാംഗുലിയുടെ റെക്കോ‍ർഡിനൊപ്പം

ന്യൂഡൽഹി: ലോക ക്രിക്കറ്റിൽ പുതിയൊരു റെക്കോർഡ് കൂടി സ്ഥാപിക്കാൻ ഒരുങ്ങുകയാണ് ഇന്ത്യൻ നായകൻ വിരാട് കോഹ‍്‍ലി. ഏറ്റവും കൂടുതൽ മാൻ ഓഫ് ദി സീരീസുകൾ നേടിയ താരങ്ങളുടെ കാര്യത്തിൽ ഇനി ലോകക്രിക്കറ്റിൽ കോഹ‍്‍ലിക്ക് മുന്നിൽ മൂന്ന് താരങ്ങൾ മാത്രമേയുള്ളൂ.

വെസ്റ്റ് ഇൻഡീസിനെതിരായ ഏകദിന പരമ്പരയിൽ ഏകദിനത്തിൽ കരിയറിലെ ഏഴാം മാൻ ഓഫ് ദി സീരീസ് പുരസ്കാരമാണ് കോഹ‍്‍ലി ഏറ്റുവാങ്ങിയത്. മുൻ നായകൻ സൗരവ് ഗാംഗുലി, യുവരാജ് സിങ് എന്നിവരുടെ റെക്കോർഡിന് ഒപ്പമെത്തിയിരിക്കുകയാണ് കോഹ‍്‍ലി.

മാൻ ഓഫ് ദി സീരീസ് പുരസ്കാരങ്ങളുടെ പട്ടികയിൽ സച്ചിൻ ടെണ്ടുൽക്കർ ആണ് ഏറ്റവും മുന്നിൽ. 15 പുരസ്കാരങ്ങൾ അദ്ദേഹം നേടിയിട്ടുണ്ട്. സനത് ജയസൂര്യയും ഷോൺ പൊള്ളോക്കുമാണ് അടുത്ത രണ്ട് സ്ഥാനങ്ങളിലുള്ളത്.