തിരുവനന്തപുരം: കാര്യവട്ടം ഗ്രീൻ ഫീൽഡ് സ്റ്റേഡിയത്തിൽ വെച്ച് നടക്കുന്ന ഇന്ത്യ- വെസ്റ്റ് ഇൻഡീസ് ഏകദിന മത്സരത്തിന്റെ ടിക്കറ്റ് വിൽപന ഈ മാസം 17 ന് ആരംഭിക്കും. കേരളപ്പിറവി ദിനത്തിലാണ് കാര്യവട്ടത്ത് വെച്ചുള്ള മത്സരം നടക്കുന്നത്. വിദ്യാർഥികൾക്കും ക്ളബ്ബുകൾക്കും 1000 രൂപ ടിക്കറ്റിൽ 50 ശതമാനം ഇളവ് ലഭിക്കും. ഏകദിന പരമ്പരയിലെ അഞ്ചാമത്തെ മത്സരമാണ് കാര്യവട്ടത്ത് നടക്കുന്നത്.
ലാഭവിഹിതത്തിൽ നിന്ന് ഒരു നിശ്ചിത തുക മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകുമെന്ന് കെസിഎ അറിയിച്ചു. പേടിഎമ്മുമായി ചേർന്ന് ഓൺലൈൻ വഴിയാണ് ടിക്കറ്റ് വിൽപന നടക്കുകയെന്ന് കെസിഎ അറിയിച്ചു. 1000, 2000, 3000, 6000 എന്നിങ്ങനെയാണ് ടിക്കറ്റ് നിരക്കുകൾ. താഴത്തെ നിരയിലെ സീറ്റുകൾക്കാണ് 2000,3000, 6000 എന്നിങ്ങനെയുള്ള നിരക്കുകൾ. 6000 രൂപയുടെ ടിക്കറ്റിൽ ഭക്ഷണവും ഉൾപ്പെടുത്തിയിട്ടുണ്ട്. സ്മാർട്ട് ഫോണിൽ ടിക്കറ്റ് ബുക്ക് ചെയ്തതിന്റെ പകർപ്പോ ടിക്കറ്റിന്റെ പ്രിന്റുമായോ കാണികൾക്ക് സ്റ്റേഡിയത്തിൽ പ്രവേശിക്കാം.
ലാഭവിഹിതത്തിൽ നിന്ന് ഒരു നിശ്ചിത തുക മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകുമെന്ന് കെസിഎ അറിയിച്ചു. പേടിഎമ്മുമായി ചേർന്ന് ഓൺലൈൻ വഴിയാണ് ടിക്കറ്റ് വിൽപന നടക്കുകയെന്ന് കെസിഎ അറിയിച്ചു. 1000, 2000, 3000, 6000 എന്നിങ്ങനെയാണ് ടിക്കറ്റ് നിരക്കുകൾ. താഴത്തെ നിരയിലെ സീറ്റുകൾക്കാണ് 2000,3000, 6000 എന്നിങ്ങനെയുള്ള നിരക്കുകൾ. 6000 രൂപയുടെ ടിക്കറ്റിൽ ഭക്ഷണവും ഉൾപ്പെടുത്തിയിട്ടുണ്ട്. സ്മാർട്ട് ഫോണിൽ ടിക്കറ്റ് ബുക്ക് ചെയ്തതിന്റെ പകർപ്പോ ടിക്കറ്റിന്റെ പ്രിന്റുമായോ കാണികൾക്ക് സ്റ്റേഡിയത്തിൽ പ്രവേശിക്കാം.