ന്യൂഡൽഹി: 2020ലെ ട്വൻറി20 ലോകകപ്പിനുള്ള ഫിക്സ്ചർ പ്രഖ്യാപിച്ചപ്പോൾ ഇത്തവണ ഗ്രൂപ്പ് ഘട്ടത്തിൽ ഇന്ത്യ - പാകിസ്ഥാൻ മത്സരമില്ല. രണ്ട് ടീമുകളിലൊന്ന് ഗ്രൂപ്പ് ഘട്ടത്തിൽ വീണാൽ ലോകകപ്പിൽ തന്നെ ആരാധകർ കാത്തിരിക്കുന്ന ഇന്ത്യ - പാക് പോരാട്ടം ഉണ്ടാവില്ല. 2011 ലോകകപ്പിന് ശേഷം ആദ്യമായാണ് ഒരു ലോകകപ്പിൽ ഇരു ടീമുകളും തമ്മിൽ ഗ്രൂപ്പ് ഘട്ടത്തിൽ മത്സരം ഇല്ലാത്തത്. ഇരു രാജ്യങ്ങളും തമ്മിലുള്ള പ്രശ്നങ്ങൾ കാരണം നിലവിൽ ഇന്ത്യ - പാകിസ്ഥാൻ പരമ്പരകൾ നടക്കുന്നില്ല. ഐസിസി മത്സരങ്ങളിൽ ആരാധകർ മത്സരത്തിന് കാത്തിരിക്കാറുണ്ട്. ട്വൻറി20 ലോകകപ്പ് ഫിക്സ്ചറിൽ ഇന്ത്യ, ഇംഗ്ലണ്ട്, ദക്ഷിണാഫ്രിക്ക, അഫ്ഗാനിസ്ഥാൻ എന്നിവർ ഒരു ഗ്രൂപ്പിലാണ്. പാകിസ്ഥാൻ, ഓസ്ട്രേലിയ, ന്യൂസിലൻറ്, വെസ്റ്റ് ഇൻഡീസ് എന്നിവരാണ് മറ്റൊരു ഗ്രൂപ്പിലുള്ളത്.
ഐസിസി ട്വൻറി20 റാങ്കിങിൽ നിലവിൽ പാകിസ്ഥാൻ ഒന്നാം സ്ഥാനത്തും ഇന്ത്യ രണ്ടാം സ്ഥാനത്തുമാണ്. ഇത്തരത്തിൽ ഇരു ടീമുകളും തൊട്ടടുത്ത സ്ഥാനങ്ങളിൽ വന്നതിനാലാണ് ഇരു ടീമുകളും വ്യത്യസ്ത ഗ്രൂപ്പിലായത്.
ഐസിസി ട്വൻറി20 റാങ്കിങിൽ നിലവിൽ പാകിസ്ഥാൻ ഒന്നാം സ്ഥാനത്തും ഇന്ത്യ രണ്ടാം സ്ഥാനത്തുമാണ്. ഇത്തരത്തിൽ ഇരു ടീമുകളും തൊട്ടടുത്ത സ്ഥാനങ്ങളിൽ വന്നതിനാലാണ് ഇരു ടീമുകളും വ്യത്യസ്ത ഗ്രൂപ്പിലായത്.