ദക്ഷിണാഫ്രിക്കയിൽ ഇന്ത്യ പരമ്പര വിജയിക്കുമെന്ന് രാഹുൽ ദ്രാവിഡ്

ന്യൂഡൽഹി: ദക്ഷിണാഫ്രിക്കയിൽ നടക്കാൻ പോവുന്ന ടെസ്റ്റ് പരമ്പര ഇന്ത്യ നേടുമെന്ന് മുൻ നായകൻ രാഹുൽ ദ്രാവിഡ്. വിരാട് കോഹ്‍ലിയുടെ നേതൃത്വത്തിലുള്ള ടീം ദക്ഷിണാഫ്രിക്കയിൽ ഇന്ത്യക്കായി ചരിത്രത്തിൽ ആദ്യമായി ടെസ്റ്റ് പരമ്പര വിജയിക്കുമെന്ന് അദ്ദേഹം പ്രത്യാശ പ്രകടിപ്പിച്ചു.

ജനുവരി അഞ്ചിന് കേപ് ടൗണിലാണ് മൂന്ന് ടെസ്റ്റുകളുടെ പരമ്പര ആരംഭിക്കുന്നത്. നിലവിൽ ലോകത്തെ ഒന്നാം നമ്പ‍ർ ടെസ്റ്റ് ടീമാണ് ഇന്ത്യ. തുട‍ർച്ചയായി ഒമ്പത് ടെസ്റ്റ് പരമ്പരകൾ വിജയിച്ച് റെക്കോ‍ർഡ് നേടിയതിൻെറ ആത്മവിശ്വാസത്തിലാണ് കോഹ്‍ലിയുടെ ടീം.

ബാറ്റിങിലും ബൗളിങിലും ഇന്ത്യൻ നിര ഇന്ന് ലോകത്തെ ഏത് ടീമിനെയും തോൽപ്പിക്കാൻ കെൽപ്പുള്ളവരാണ്. ഇത്തവണ ടീം വിജയം നേടുമെന്ന് തന്നെയാണ് താൻ കരുതുന്നതെന്ന് ദ്രാവിഡ് പറഞ്ഞു.