പരിക്ക് വീണ്ടും വില്ലനാവുന്നു; ഇന്ത്യൻ സൂപ്പർ താരം ന്യൂസിലൻറിനെതിരായ ടെസ്റ്റ് പരമ്പരയിലും കളിക്കില്ല!!

ന്യൂഡൽഹി: ന്യൂസിലൻറിനെതിരായ ടെസ്റ്റ് പരമ്പരക്കുള്ള ഇന്ത്യൻ ടീമിൽ ഹാർദിക് പാണ്ഡ്യയെ പരിഗണിക്കില്ല. ശാരീരിക ക്ഷമതാ പരിശോധനയിൽ പരാജയപ്പെട്ടതിനെ തുടർന്നാണ് താരത്തെ ഒഴിവാക്കിയത്. യുകെയിലെ വിദഗ്ദ ഡോക്ടർ ജെയിംസ് അല്ലിബോണിൻെറ കൂടി നിർദ്ദേശത്തെ തുടർന്നാണ് ബിസിസിഐ തീരുമാനം എടുത്തത്.

ശാരീരിക ക്ഷമത വീണ്ടെടുക്കുന്നത് വരെ ഹാർദിക് പാണ്ഡ്യ ദേശീയ ക്രിക്കറ്റ് അക്കാദമിയിൽ നിരീക്ഷണത്തിലായിരിക്കുമെന്നും ബിസിസിഐ സെക്രട്ടറി ജെയ് ഷാ പത്രക്കുറിപ്പിൽ അറിയിച്ചു. പുറം വേദനയെ തുടർന്ന് വിശ്രമത്തിലായിരുന്ന പാണ്ഡ്യക്ക് ഒക്ടോബറിൽ വിജയകരമായി ശസ്ത്രക്രിയ നടത്തിയിരുന്നു.

Also Read: സൂപ്പർ ഓവറിൽ ഓപ്പണറായി ഇറക്കാൻ തീരുമാനിച്ചത് സഞ്ജുവിനെ; അവസാന നിമിഷം കോലി തീരുമാനം മാറ്റി, കാരണം ഇതാണ്!!

ദക്ഷിണാഫ്രിക്കക്കെതിരായ ടി20 പരമ്പരയിലാണ് പാണ്ഡ്യ ഇന്ത്യക്കായി അവസാനമായി കളിച്ചത്. 2018ൽ ഇംഗ്ലണ്ടിനെതിരെ നടന്ന സതാംപ്റ്റൺ ടെസ്റ്റാണ് അവസാനം കളിച്ച ടെസ്റ്റ് മത്സരം. 2018 മുതൽ താരത്തെ പുറംവേദന അലട്ടുന്നുണ്ട്.

Also Read: ക്രിക്കറ്റിലെ ടീം വർക്ക് എന്നാൽ ഇതാണ്, ഇത് പോലൊരു വിക്കറ്റ് അപൂ‍ർവങ്ങളിൽ അപൂ‍ർവം; ശാ‍‍ർദൂൽ താക്കൂറും വിരാട് കോലിയും മൺറോയെ വീഴ്ത്തിയത് ഇങ്ങനെ!!

ശസ്ത്രക്രിയക്ക് ശേഷം തിരിച്ചെത്തിയ പാണ്ഡ്യയെ ന്യൂസിലൻറിനെതിരായ ഇന്ത്യ എ ടീമിൽ ഉൾപ്പെടുത്തിയിരുന്നു. എന്നാൽ താരം പരിക്കിൽ നിന്ന് പൂർണമായി മോചിതനായിട്ടില്ലെന്ന് മനസ്സിലായതിനെ തുടർന്ന് അവസാന നിമിഷം ഒഴിവാക്കി. വിജയ് ശങ്കറിനെയാണ് പകരം ടീമിൽ ഉൾപ്പെടുത്തിയത്.