ടാറ്റൂ ചെയ്തത് വീട്ടിലറിഞ്ഞത് വിനയായി; എച്ച്ഐവി ടെസ്റ്റ് ചെയ്യേണ്ടി വന്നുവെന്ന് ധവാൻ!
കൗമാരകാലത്ത് വീട്ടിൽ നിന്നുണ്ടായ രസകരമായ സംഭവം വിവരിച്ച് ഇന്ത്യൻ ഓപ്പണർ ശിഖർ ധവാൻ. ചെറുപ്പത്തിൽ താൻ എച്ച്ഐവി ടെസ്റ്റ് ചെയ്യേണ്ടി വന്ന സാഹചര്യമാണ് അദ്ദേഹം ഒരു അഭിമുഖത്തിൽ വെളിപ്പെടുത്തിയിരിക്കുന്നത്...
ഹൈലൈറ്റ്:
- എച്ച്ഐവി ടെസ്റ്റ് ചെയ്ത സംഭവം വിവരിച്ച് ധവാൻ
- വിനയായത് ശരീരത്തിൽ ടാറ്റൂ ചെയ്തത്
- വീട്ടുകാരുടെ നിർബന്ധത്തിന് വഴങ്ങി ടെസ്റ്റ് ചെയ്യേണ്ടി വന്നു
ഇന്ത്യയുടെ ഏറ്റവും സ്റ്റൈലിഷ് ആയ ക്രിക്കറ്റർമാരിൽ ഒരാളാണ് ശിഖർ ധവാൻ (Shikhar Dhawan). അടുത്ത കാലം വരെ ലിമിറ്റഡ് ഓവർ ക്രിക്കറ്റിൽ ടീമിൻറെ സ്ഥിരം ഓപ്പണർ ആയിരുന്ന ധവാന് സ്ഥാനം നഷ്ടമായിക്കഴിഞ്ഞു. ശുഭ്മാൻ ഗില്ലിനെയും ഇഷാൻ കിഷനെയും പോലുള്ളവർ സ്ഥാനം ഉറപ്പിക്കുമ്പോൾ ധവാൻ ടീമിന് പുറത്തായിരിക്കുകയാണ്. വരുന്ന ഏകദിന ലോകകപ്പിലും ധവാനെ ഇനി പരിഗണിക്കാനുള്ള സാധ്യത കുറവാണ്. രോഹിത് ശർമയുടെ നേതൃത്വത്തിൽ മികച്ച യുവ താരങ്ങളെ ഉൾക്കൊള്ളിച്ചു കൊണ്ടുള്ള ഒരു ടീമിനെ ആയിരിക്കും ലോകകപ്പിൽ കളിപ്പിക്കുക.
ക്രിക്കറ്റ് ലോകത്തും പുറത്തും സ്റ്റൈലിഷാണ് ധവാൻ. ശരീരത്തിൽ മനോഹരമായ ടാറ്റൂകൾ പച്ചകുത്തിയിട്ടുള്ള താരം ഫീൽഡിൽ ക്യാച്ച് എടുക്കുമ്പോൾ ഉള്ള ആഘോഷവും ആരാധകർക്ക് പ്രിയമാണ്. വെടിക്കെട്ട് ഇടംകയ്യൻ ബാറ്ററായ ധവാൻ ഒരു മാധ്യമത്തിനു കൊടുത്ത അഭിമുഖത്തിൽ തന്റെ ജീവിതത്തിലെ രസകരമായ ഒരു അനുഭവം പങ്കുവെച്ചിരിക്കുകയാണ്.
ആദ്യത്തെ ടാറ്റൂ കുത്തിയപ്പോൾ വീട്ടിൽ ഉണ്ടായ ഒരു സംഭവമാണ് അദ്ദേഹം വിവരിച്ചിരിക്കുന്നത്. തന്റെ പതിനാലാം വയസ്സിൽ ആണ് ശരീരത്തിൽ ആദ്യമായി പച്ച കുത്തിയതെന്ന് ആജ് തകിന് നൽകിയ അഭിമുഖത്തിൽ ധവാൻ പറഞ്ഞു. മണാലിയിൽ പോയിട്ടാണ് ടാറ്റൂ ചെയ്തത്. പച്ച കുത്തിയ കാര്യം മൂന്നുനാലു മാസം വരെ ധവാൻ വീട്ടുകാരിൽ നിന്ന് മറച്ചു വെച്ചിരുന്നു. ഒടുവിൽ പിടിക്കപ്പെട്ടപ്പോൾ താരത്തിന് എച്ച്ഐവി ടെസ്റ്റ് വരെ ചെയ്യേണ്ടിവന്നു.
"മൂന്നാലു മാസങ്ങളോളം ഇക്കാര്യം ഞാൻ വീട്ടിൽ അറിയാതെ പിടിച്ചുനിന്നു . എന്നാൽ ഒരിക്കൽ അച്ഛൻ ഇക്കാര്യം പിടിച്ചു. ടാറ്റൂ ചെയ്തതിന് അച്ഛൻറെ വക നല്ല തല്ലും കിട്ടി. അവിടെയും കാര്യങ്ങൾ നിന്നില്ല. ടാറ്റൂ ചെയ്യാൻ ഉപയോഗിച്ച സൂചിയുടെ കാര്യം ആലോചിച്ച് എനിക്ക് ഭയം ഉണ്ടായി. എത്രപേർ ഉപയോഗിച്ചതിനു ശേഷമാവും ആ സൂചി എൻറെ ശരീരത്തിൽ കുത്തിയത് എന്നാലോചിച്ച് വിഷമത്തിലായി. ഇക്കാരണം കൊണ്ട് എച്ച്ഐവി ടെസ്റ്റും ചെയ്യേണ്ടിവന്നു," ധവാൻ അഭിമുഖത്തിൽ പറഞ്ഞു.
ഒരു സ്കോർപിയോ ആണ് താൻ ആദ്യം ചെയ്ത ടാറ്റുവെന്ന് ധവാൻ പറഞ്ഞു. പുറത്താണ് സ്കോർപിയോ പച്ചകുത്തിയത്. അക്കാലത്ത് അതൊക്കെയായിരുന്നു മനസ്സിലെ ചിന്തകൾ. പിന്നീട് ശിവനെയും അർജുനനെയും ശരീരത്തിൻറെ പല ഭാഗങ്ങളിലായി പച്ച കുത്തിയിട്ടുണ്ട് എന്ന് ധവാൻ കൂട്ടിച്ചേർത്തു.
ഇന്ത്യൻ ടീമിൽ നിലവിൽ സ്ഥാനമില്ലാത്ത ധവാൻ ഐപിഎല്ലിൽ പഞ്ചാബ് കിംഗ്സിന്റെ ക്യാപ്റ്റനാണ്. ലീഗിൽ ഇതുവരെ കിരീടം നേടാത്ത ടീമാണ് പഞ്ചാബ് . ഇത്തവണയെങ്കിലും ടീമിനെ ജേതാക്കൾ ആക്കാൻ ആയിരിക്കും ധവാൻെറ ശ്രമം. ഐപിഎല്ലിലെ റൺ സ്കോറർമാരിൽ ഏറെ മുന്നിലുള്ള ബാറ്റർമാരിൽ ഒരാൾ കൂടിയാണ് ധവാൻ. ഐപിഎല്ലിലെ പ്രകടനം ഏകദിന ലോകകപ്പിലേക്കുള്ള സ്ഥാനവും തീരുമാനിക്കാനാണ് സാധ്യത.
Read Latest Sports News And Malayalam News
ക്രിക്കറ്റ് ലോകത്തും പുറത്തും സ്റ്റൈലിഷാണ് ധവാൻ. ശരീരത്തിൽ മനോഹരമായ ടാറ്റൂകൾ പച്ചകുത്തിയിട്ടുള്ള താരം ഫീൽഡിൽ ക്യാച്ച് എടുക്കുമ്പോൾ ഉള്ള ആഘോഷവും ആരാധകർക്ക് പ്രിയമാണ്. വെടിക്കെട്ട് ഇടംകയ്യൻ ബാറ്ററായ ധവാൻ ഒരു മാധ്യമത്തിനു കൊടുത്ത അഭിമുഖത്തിൽ തന്റെ ജീവിതത്തിലെ രസകരമായ ഒരു അനുഭവം പങ്കുവെച്ചിരിക്കുകയാണ്.
ആദ്യത്തെ ടാറ്റൂ കുത്തിയപ്പോൾ വീട്ടിൽ ഉണ്ടായ ഒരു സംഭവമാണ് അദ്ദേഹം വിവരിച്ചിരിക്കുന്നത്. തന്റെ പതിനാലാം വയസ്സിൽ ആണ് ശരീരത്തിൽ ആദ്യമായി പച്ച കുത്തിയതെന്ന് ആജ് തകിന് നൽകിയ അഭിമുഖത്തിൽ ധവാൻ പറഞ്ഞു. മണാലിയിൽ പോയിട്ടാണ് ടാറ്റൂ ചെയ്തത്. പച്ച കുത്തിയ കാര്യം മൂന്നുനാലു മാസം വരെ ധവാൻ വീട്ടുകാരിൽ നിന്ന് മറച്ചു വെച്ചിരുന്നു. ഒടുവിൽ പിടിക്കപ്പെട്ടപ്പോൾ താരത്തിന് എച്ച്ഐവി ടെസ്റ്റ് വരെ ചെയ്യേണ്ടിവന്നു.
"മൂന്നാലു മാസങ്ങളോളം ഇക്കാര്യം ഞാൻ വീട്ടിൽ അറിയാതെ പിടിച്ചുനിന്നു . എന്നാൽ ഒരിക്കൽ അച്ഛൻ ഇക്കാര്യം പിടിച്ചു. ടാറ്റൂ ചെയ്തതിന് അച്ഛൻറെ വക നല്ല തല്ലും കിട്ടി. അവിടെയും കാര്യങ്ങൾ നിന്നില്ല. ടാറ്റൂ ചെയ്യാൻ ഉപയോഗിച്ച സൂചിയുടെ കാര്യം ആലോചിച്ച് എനിക്ക് ഭയം ഉണ്ടായി. എത്രപേർ ഉപയോഗിച്ചതിനു ശേഷമാവും ആ സൂചി എൻറെ ശരീരത്തിൽ കുത്തിയത് എന്നാലോചിച്ച് വിഷമത്തിലായി. ഇക്കാരണം കൊണ്ട് എച്ച്ഐവി ടെസ്റ്റും ചെയ്യേണ്ടിവന്നു," ധവാൻ അഭിമുഖത്തിൽ പറഞ്ഞു.
ഒരു സ്കോർപിയോ ആണ് താൻ ആദ്യം ചെയ്ത ടാറ്റുവെന്ന് ധവാൻ പറഞ്ഞു. പുറത്താണ് സ്കോർപിയോ പച്ചകുത്തിയത്. അക്കാലത്ത് അതൊക്കെയായിരുന്നു മനസ്സിലെ ചിന്തകൾ. പിന്നീട് ശിവനെയും അർജുനനെയും ശരീരത്തിൻറെ പല ഭാഗങ്ങളിലായി പച്ച കുത്തിയിട്ടുണ്ട് എന്ന് ധവാൻ കൂട്ടിച്ചേർത്തു.
ഇന്ത്യൻ ടീമിൽ നിലവിൽ സ്ഥാനമില്ലാത്ത ധവാൻ ഐപിഎല്ലിൽ പഞ്ചാബ് കിംഗ്സിന്റെ ക്യാപ്റ്റനാണ്. ലീഗിൽ ഇതുവരെ കിരീടം നേടാത്ത ടീമാണ് പഞ്ചാബ് . ഇത്തവണയെങ്കിലും ടീമിനെ ജേതാക്കൾ ആക്കാൻ ആയിരിക്കും ധവാൻെറ ശ്രമം. ഐപിഎല്ലിലെ റൺ സ്കോറർമാരിൽ ഏറെ മുന്നിലുള്ള ബാറ്റർമാരിൽ ഒരാൾ കൂടിയാണ് ധവാൻ. ഐപിഎല്ലിലെ പ്രകടനം ഏകദിന ലോകകപ്പിലേക്കുള്ള സ്ഥാനവും തീരുമാനിക്കാനാണ് സാധ്യത.
Read Latest Sports News And Malayalam News