ക്യാച്ച് കൈവിട്ടു, ഫീൽഡിൽ വൻപിഴവ് വരുത്തി കോഹ‍്‍ലി

ബ്രിസ്ബെയിൻ: വിശ്രമത്തിന് ശേഷം ടീമിൽ തിരിച്ചെത്തിയ ഇന്ത്യൻ നായകൻ വിരാട് കോഹ‍്‍ലിക്ക് ഓസ്ട്രേലിയക്കെതിരായ ആദ്യ ട്വൻറി20 മത്സരത്തിൽ തൊട്ടതെല്ലാം പിഴച്ചു. ടോസ് ലഭിച്ച കോഹ‍്‍ലി ഓസ്ട്രേലിയയെ ബാറ്റിങിന് അയച്ചു. ഇടക്കിടെ വിക്കറ്റുകൾ വീണെങ്കിലും ഭേദപ്പെട്ട സ്കോറാണ് അവർ പടുത്തുയർത്തിയത്.

ഇതിനിടെ ഫീൽഡിൽ വൻ പിഴവാണ് കോഹ‍്‍ലി വരുത്തിയത്. ജസ്പ്രീത് ബുംറ എറിഞ്ഞ നാലാം ഓവറിൽ ആരോൺ ഫിഞ്ചിൻെറ ക്യാച്ചാണ് കോഹ‍്‍ലി വിട്ടുകളഞ്ഞത്. എളുപ്പത്തിലുള്ള ക്യാച്ചാണ് ഇന്ത്യൻ നായകന് കയ്യിലൊതുക്കാൻ പറ്റാതെ പോയത്.


13ാം ഓവറിൽ കോഹ‍്‍ലിയുടെ പിഴവിൽ ഇന്ത്യ മൂന്ന് റൺസ് അനാവശ്യമായി വിട്ടുകൊടുക്കുകയും ചെയ്തു.