ന്യൂഡൽഹി: ന്യൂസിലൻറിനെതിരെ മൂന്നാം ഏകദിനത്തിലെ വിജയത്തിന് ശേഷം അവസാന രണ്ട് മത്സരങ്ങളിൽ ഇന്ത്യൻ നായകൻ വിരാട് കോഹ്ലി കളിക്കുന്നില്ല. പരമ്പര നേടിയതിൻെറ സന്തോഷത്തിലാണ് കോഹ്ലി. അതോടൊപ്പം തന്നെ ടീമിലെ നിലവിലുള്ള താരങ്ങളുടെ ഫോമിലും യുവതാരങ്ങളുടെ കഴിവിലും കോഹ്ലിക്ക് ആത്മവിശ്വാസമുണ്ട്. ഏകദിന പരമ്പര വിജയത്തിന് ശേഷം ടീമിൻെറ പ്രകടനത്തെ കുറിച്ച് ഏറെ സന്തോഷത്തോടെയാണ് കോഹ്ലി പ്രതികരിച്ചത്. തനിക്ക് പകരക്കാരനായി അവസാന രണ്ട് ഏകദിനങ്ങൾക്കുള്ള ടീമിൽ ഉൾപ്പെടുത്തിയിട്ടുള്ള യുവതാരം ശുഭ്മാൻ ഗില്ലിനെ പുകഴ്ത്താനും ഇന്ത്യൻ നായകൻ മറന്നില്ല.
"മികച്ച യുവതാരങ്ങൾ ടീമിൽ ഇടം പിടിക്കാൻ കാത്തിരിക്കുകയാണ്. പൃഥ്വി ഷായെ പോലുള്ളവരുടെ പ്രകടനം നമ്മൾ കണ്ട് കഴിഞ്ഞു. ശുഭ്മാൻ ഗിൽ നെറ്റിൽ പ്രാക്ടീസ് ചെയ്യുന്നത് കണ്ട് അത്ഭുതം തോന്നി. അവൻെറ പത്ത് ശതമാനംപോലും കഴിവ് ആ പ്രായത്തിൽ എനിക്കുണ്ടായിരുന്നില്ല," കോഹ്ലി പറഞ്ഞു.
യുവതാരങ്ങൾക്ക് കഴിവിൽ തികഞ്ഞ ആത്മവിശ്വാസമുണ്ടെന്നും കോഹ്ലി കൂട്ടിച്ചേർത്തു. അവസാന രണ്ട് ഏകദിനങ്ങളിൽ രോഹിത് ശർമ്മയായിരിക്കും ഇന്ത്യയെ നയിക്കുക.
"മികച്ച യുവതാരങ്ങൾ ടീമിൽ ഇടം പിടിക്കാൻ കാത്തിരിക്കുകയാണ്. പൃഥ്വി ഷായെ പോലുള്ളവരുടെ പ്രകടനം നമ്മൾ കണ്ട് കഴിഞ്ഞു. ശുഭ്മാൻ ഗിൽ നെറ്റിൽ പ്രാക്ടീസ് ചെയ്യുന്നത് കണ്ട് അത്ഭുതം തോന്നി. അവൻെറ പത്ത് ശതമാനംപോലും കഴിവ് ആ പ്രായത്തിൽ എനിക്കുണ്ടായിരുന്നില്ല," കോഹ്ലി പറഞ്ഞു.
യുവതാരങ്ങൾക്ക് കഴിവിൽ തികഞ്ഞ ആത്മവിശ്വാസമുണ്ടെന്നും കോഹ്ലി കൂട്ടിച്ചേർത്തു. അവസാന രണ്ട് ഏകദിനങ്ങളിൽ രോഹിത് ശർമ്മയായിരിക്കും ഇന്ത്യയെ നയിക്കുക.