ഇന്ത്യ കണ്ട എക്കാലത്തേയും മികച്ച വനിതാ ക്രിക്കറ്റര്മാരില് ഒരാളായ ജുലന് ഗോസ്വാമിക്ക് ലോര്ഡ്സില് യാത്രയയപ്പ് നല്കിയേക്കുമെന്ന് റിപ്പോര്ട്ട്. ഇംഗ്ലണ്ടിനെതിരെ നടക്കാനിരിക്കുന്ന മൂന്നു മത്സര ഏകദിന പരമ്പരയിലെ അവസാന മത്സരം നടക്കുന്നത് സപ്തംബര് 24ന് ലോര്ഡ്സില് വെച്ചാണ്. ഈ മത്സരം ഗോസ്വാമിയുടെ കരിയറിലെ ഒടുവിലത്തെ മത്സരമായിരിക്കാം. ബിസിസിഐ താരവുമായി ഇക്കാര്യം സംസാരിച്ചിരുന്നതായാണ് സൂചന. വനിതാ അന്താരാഷ്ട്ര ക്രിക്കറ്റില് ഏറ്റവും അധികം വിക്കറ്റുകള് വീഴ്ത്തിയത് ഗോസ്വാമിയാണ്. എല്ലാ ഫോര്മാറ്റിലുമായി താരം 352 വിക്കറ്റുകള് വീഴ്ത്തി. പരിക്കും ഫോമില്ലായ്മയും മൂലം ദീര്ഘകാലമായി അന്താരാഷ്ട്ര ക്രിക്കറ്റില് നിന്നും വിട്ടുനില്ക്കുകയായിരുന്നു ഗോസ്വാമി. ഇംഗ്ലണ്ടിനെതിരായ പരമ്പരയിലേക്ക് തിരിച്ചുവിളിച്ചത് വിരമിക്കല് മത്സരം നല്കാന് കൂടിയാണ്. യുവ കളിക്കാരെ വാര്ത്തെടുക്കുകയാണ് ഇന്ത്യയുടെ ലക്ഷ്യം.
ഏകദിനത്തില് ഈ വര്ഷം മാര്ച്ചിലാണ് താരം ഒടുവിലായി ഇന്ത്യയ്ക്കുവേണ്ടി കളിച്ചത്. ടി20യില് 2018ന് ശേഷവും ടെസ്റ്റില് 2021ന് ശേഷവും രാജ്യത്തിനായി കളിക്കാന് ഇറങ്ങിയിട്ടില്ല. ജൂലൈ മധ്യത്തോടെ കായികക്ഷമത വീണ്ടെടുത്ത താരത്തെ നാഷണല് ക്രിക്കറ്റ് അക്കാദമിയിലെ പരിശോധനകള്ക്കുശേഷം ഇംഗ്ലണ്ട് പര്യടനത്തില് ഉള്പ്പെടുത്തുകയായിരുന്നു. ഇന്ത്യയുടെ ഒട്ടേറെ വിജയങ്ങള്ക്ക് ചുക്കാന് പിടിച്ച താരമാണ് ജുലന് ഗോസ്വാമി.
അടുത്ത വര്ഷം മാര്ച്ചില് ആരംഭിക്കുന്ന വനിതാ ഐപിഎല്ലില് ഗോസ്വാമി കളിച്ചേക്കും. കൂടാതെ പുരുഷ ഐപിഎല് ടീമിന്റെ ഉപദേശകയായും എത്താന് ഇടയുണ്ട്. ബംഗാള് വനിതാ ടീമിനായി കളിക്കാരിയായും ഉപദേശകയായും ഇരട്ട റോളില് ഗോസ്വാമി വരാനിരിക്കുന്ന സീസണില് എത്തുമെന്നാണ് റിപ്പോര്ട്ട്. വിരമിക്കുന്ന കാര്യത്തില് താരം ഇതുവരെ പരസ്യ പ്രതികരണം നടത്തിയിട്ടില്ല.
2002ല് 19-ാം വയസില് അന്താരാഷ്ട്ര ക്രിക്കറ്റില് അരങ്ങേറി. രണ്ടു പതിറ്റാണ്ടിനിടെ 12 ടെസ്റ്റുകളും 68 ടി20 മത്സരങ്ങളും 201 ഏകദിന മത്സരങ്ങളും കളിച്ചു. ഏകദിനത്തില് ഏറ്റവും കൂടുതല് വിക്കറ്റ് നേടിയ താരമാണ്. 252 വിക്കറ്റുകളാണ് സ്വന്തമാക്കിയത്. 6 ഏകദിന ലോകകപ്പുകളിലും പങ്കെടുത്തു. ഇംഗ്ലണ്ടില് ഇന്ത്യ മൂന്നുവീതം ടി20, ഏകദിന മത്സരങ്ങളാണ് കളിക്കുന്നത്. സപ്തംബര് 10ന് പര്യടനം ആരംഭിക്കും.
ഏകദിനത്തില് ഈ വര്ഷം മാര്ച്ചിലാണ് താരം ഒടുവിലായി ഇന്ത്യയ്ക്കുവേണ്ടി കളിച്ചത്. ടി20യില് 2018ന് ശേഷവും ടെസ്റ്റില് 2021ന് ശേഷവും രാജ്യത്തിനായി കളിക്കാന് ഇറങ്ങിയിട്ടില്ല. ജൂലൈ മധ്യത്തോടെ കായികക്ഷമത വീണ്ടെടുത്ത താരത്തെ നാഷണല് ക്രിക്കറ്റ് അക്കാദമിയിലെ പരിശോധനകള്ക്കുശേഷം ഇംഗ്ലണ്ട് പര്യടനത്തില് ഉള്പ്പെടുത്തുകയായിരുന്നു. ഇന്ത്യയുടെ ഒട്ടേറെ വിജയങ്ങള്ക്ക് ചുക്കാന് പിടിച്ച താരമാണ് ജുലന് ഗോസ്വാമി.
അടുത്ത വര്ഷം മാര്ച്ചില് ആരംഭിക്കുന്ന വനിതാ ഐപിഎല്ലില് ഗോസ്വാമി കളിച്ചേക്കും. കൂടാതെ പുരുഷ ഐപിഎല് ടീമിന്റെ ഉപദേശകയായും എത്താന് ഇടയുണ്ട്. ബംഗാള് വനിതാ ടീമിനായി കളിക്കാരിയായും ഉപദേശകയായും ഇരട്ട റോളില് ഗോസ്വാമി വരാനിരിക്കുന്ന സീസണില് എത്തുമെന്നാണ് റിപ്പോര്ട്ട്. വിരമിക്കുന്ന കാര്യത്തില് താരം ഇതുവരെ പരസ്യ പ്രതികരണം നടത്തിയിട്ടില്ല.
2002ല് 19-ാം വയസില് അന്താരാഷ്ട്ര ക്രിക്കറ്റില് അരങ്ങേറി. രണ്ടു പതിറ്റാണ്ടിനിടെ 12 ടെസ്റ്റുകളും 68 ടി20 മത്സരങ്ങളും 201 ഏകദിന മത്സരങ്ങളും കളിച്ചു. ഏകദിനത്തില് ഏറ്റവും കൂടുതല് വിക്കറ്റ് നേടിയ താരമാണ്. 252 വിക്കറ്റുകളാണ് സ്വന്തമാക്കിയത്. 6 ഏകദിന ലോകകപ്പുകളിലും പങ്കെടുത്തു. ഇംഗ്ലണ്ടില് ഇന്ത്യ മൂന്നുവീതം ടി20, ഏകദിന മത്സരങ്ങളാണ് കളിക്കുന്നത്. സപ്തംബര് 10ന് പര്യടനം ആരംഭിക്കും.