ആകാൻഷയുമായി പ്രണയത്തിലാണോ? ആദ്യമായി പ്രതികരിച്ച് കെഎൽ രാഹുൽ!

ന്യൂഡൽഹി: ഇന്ത്യൻ ക്രിക്കറ്റ് ടീമിലെ സ്ഥിരം സാന്നിധ്യമാണ് ഇപ്പോൾ കെഎൽ രാഹുൽ. ലോകകപ്പിൽ നാലാം നമ്പറിൽ സ്ഥാനം ഉറപ്പിച്ച് ടീമിലെത്തിയ രാഹുൽ പിന്നീട് ശിഖർ ധവാന് പകരം ഓപ്പണറായിരുന്നു. ഒരു സെഞ്ച്വറിയും അദ്ദേഹം നേടി. വെസ്റ്റ് ഇൻഡീസിനെതിരായ ഇന്ത്യയുടെ പര്യടനത്തിൽ മൂന്ന് ഫോർമാറ്റിലും രാഹുൽ ടീമിൽ ഇടം പിടിച്ചിരുന്നു. കളിക്കളത്തിനൊപ്പം തന്നെ വ്യക്തിപരമായ ജീവിതത്തിലും രാഹുൽ വാർത്തകളിൽ ഇടം പിടിക്കാറുണ്ട്.

രാഹുൽ പ്രണയത്തിലാണെന്ന് വാർത്തകൾ പുറത്ത് വരാൻ തുടങ്ങിയിട്ട് മാസങ്ങളായി. പലരെയും ബന്ധപ്പെടുത്തി രാഹുലിൻെറ പേര് ഗോസിപ്പ് കോളങ്ങളിൽ വരാറുണ്ട്. നിധി അഗർവാൾ, സോനം ബജ്‍വ, ആതിയ ഷെട്ടി, സോണൽ ചൗഹാൻ എന്നിവരെയെല്ലാം ബന്ധപ്പെടുത്തി ഊഹാപോഹങ്ങൾ പ്രചരിച്ചിരുന്നു. ഇതിൽ ഒടുവിലത്തെ കണ്ണിയാണ് ആകാൻഷ രഞ്ജൻ.

ബോളിവുഡ് താരം ആലിയ ബട്ടിൻെറ അടുത്ത സുഹൃത്താണ് ആകാൻഷ. രാഹുലിനൊപ്പമുള്ള ഒരു ചിത്രം ആകാൻഷ ഇൻസ്റ്റഗ്രാമിൽ ഷെയർ ചെയ്തതോടെയാണ് ഇരുവരെയും ബന്ധപ്പെടുത്തി ഗോസിപ്പുകൾ പ്രചരിച്ചത്.


ആകാൻഷയുമായി പ്രണയത്തിലാണോയെന്ന ചോദ്യത്തിന് ആദ്യമായി പ്രതികരിച്ചിരിക്കുകയാണ് രാഹുൽ. ഇത്തരം റിപ്പോർട്ടുകൾ പുറത്ത് വന്നതിൽ അത്ഭുതം തോന്നുന്നുവെന്ന് രാഹുൽ പറഞ്ഞു.

Read More: സോഷ്യൽ മീഡിയയിൽ ഏറ്റവും കൂടുതൽ ഫോളോവേഴ്സ് ഉള്ള 10 ക്രിക്കറ്റ് താരങ്ങൾ ഇവ‍ർ

"ഇക്കാര്യവുമായി ബന്ധപ്പെട്ട് ഇത്രയധികം വാർത്തകളൊക്കെ പുറത്ത് വന്നിട്ടുണ്ടോ ? ഞാൻ പത്രമൊന്നും വായിക്കാറില്ല ഈയിടെയായിട്ട്. അത് കൊണ്ട് എന്താണ് എന്നെക്കുറിച്ച് എഴുതി വെച്ചിട്ടുള്ളതെന്ന് എനിക്കറിയില്ല. എൻെറ വ്യക്തിപരമായ ജീവിതം വ്യക്തിപരമായി നില നിർത്താൻ എനിക്കറിയാം. എനിക്കിപ്പോൾ ക്രിക്കറ്റിനോടാണ് പ്രണയം," രാഹുൽ ബോംബെ ടൈംസിനോട് പറഞ്ഞു.

ഇപ്പോഴും സിംഗിളാണോയെന്ന ചോദ്യത്തിന് രാഹുലിൻെറ മറുപടി ഇങ്ങനെയായിരുന്നു. "എനിക്ക് വ്യക്തമായി അറിയില്ല. ഞാൻ അത് അറിയുന്ന ദിവസം നിങ്ങളെ വിളിച്ച് അറിയിക്കാം," ഇങ്ങനെയായിരുന്നു രാഹുലിൻെറ മറുപടി.

Read More: ഊഹാപോഹങ്ങൾ പ്രചരിപ്പിക്കരുത്; പാണ്ഡ്യയുമായി ബന്ധമില്ലെന്ന് ഉർവശി

ബോളിവുഡ് താരം സുനിൽ ഷെട്ടിയുടെ മകൾ ആതിയ ഷെട്ടിയുമായി രാഹുൽ പ്രണയത്തിലാണെന്ന് നേരത്തെ വാർത്തകൾ പുറത്ത് വന്നിരുന്നു. ഈ വർഷം ഫെബ്രുവരിയിലാണ് ഇരുവരുടെയും പ്രണയം തുടങ്ങിയതെന്നായിരുന്നു റിപ്പോർട്ടുകൾ. ബോളിവുഡ് ലൈഫാണ് വാർത്ത റിപ്പോർട്ട് ചെയ്തിരുന്നത്.

ബോളിവുഡ് താരം സോണൽ ചൗഹാനെയും രാഹുലിനെയും ബന്ധപ്പെടുത്തിയും വാർത്തകൾ പുറത്ത് വന്നിരുന്നു. എന്നാൽ പാപ്പരാസികൾ ഉണ്ടാക്കിയ അഭ്യൂഹം മാത്രമാണിതെന്നാണ് സോണൽ പ്രതികരിച്ചത്. രാഹുലുമായി താൻ പ്രണയത്തിലല്ലെന്ന് ബോളിവുഡ് ബബിളിന് നൽകിയ അഭിമുഖത്തിലാണ് സോണൽ വെളിപ്പെടുത്തിയത്. ജന്നത്ത്, ത്രീജി തുടങ്ങിയ സിനിമകളിലൂടെ പ്രേക്ഷകശ്രദ്ധ നേടിയിട്ടുള്ള താരമാണ് സോണൽ.

Read More: രാഹുലിനോടൊപ്പമുള്ള ചിത്രം: സത്യം വെളിപ്പെടുത്തി നിധി