കൊല്‍ക്കത്ത: രാജ്യത്ത് കൊറോണ കേസുകള്‍ വര്‍ധിച്ചുവരവെ കായിക രംഗത്തെ പ്രമുഖരെല്ലാം ജനങ്ങളോട് വീട്ടിലിരിക്കാന്‍ ആവര്‍ത്തിച്ച് പറയുകയാണ്. ഇന്ത്യന്‍ ക്രിക്കറ്റ് താരങ്ങളെല്ലാം തന്നെ ഇതിനകം ആരാധകരോട് അപേക്ഷയുമായി രംഗത്തെത്തിയിട്ടുണ്ട്. വീട്ടില്‍ എന്താണ് ചെയ്യുന്നതെന്നതിന്റെ വീഡിയോയും പലരും ഷെയര്‍ ചെയ്തു. പാവപ്പെട്ടവരെ സഹായിക്കാനും കളിക്കാര്‍ മുന്നോട്ട് വന്നിട്ടുണ്ട്.
ഇന്ത്യന്‍ താരം മുഹമ്മദ് ഷമി വേറിട്ട രീതിയിലാണ് ആരാധകരോട് വീട്ടിലിരിക്കാന്‍ പറയുന്നത്. രാജ്യം വലിയ പ്രതിസന്ധിയിലൂടെ മുന്നോട്ടുപോകുന്ന കാലമാണിതെന്ന് ഷമി ട്വിറ്ററിലൂടെ പുറത്തുവിട്ട വീഡിയോയില്‍ പറയുന്നു. എല്ലാവരും വീട്ടിലിരിക്കണം. ഒരു ഹീറോ ആവുക അത്ര എളുപ്പമല്ല. വീട്ടിലിരിക്കുന്നവരാണ് ഇപ്പോള്‍ രാജ്യത്തിന്റെ ഹീറോ. ആരോഗ്യ പ്രവര്‍ത്തകരുടെ നിര്‍ദ്ദേശം അക്ഷരംപ്രതി പാലിക്കണമെന്നും ഷമി അഭ്യര്‍ഥിച്ചു.
Also Read: ദിവസവേതനക്കാരെ സഹായിക്കാന്‍ എംഎസ് ധോണിയും സൗരവ് ഗാംഗുലിയും ധവാനും
ലോകത്താകെ കൊറോണ വൈറസ് ബാധിതരുടെ എണ്ണം അഞ്ചു ലക്ഷത്തിനടുത്ത് എത്തുകയും മരണസംഖ്യ 22,000 കടക്കുകയും ചെയ്ത പശ്ചാത്തലത്തിലാണ് ഷമിയുടെ അഭ്യര്‍ഥന. വിരാട് കോലി, ആര്‍ അശ്വിന്‍, അനില്‍ കുംബ്ലെ, രോഹിത് ശര്‍മ തുടങ്ങിവയരെല്ലാം ജനങ്ങളോട് അഭ്യര്‍ഥനയുമായി എത്തിയിരുന്നു. സൗരവ് ഗാംഗുലി, എംഎസ് ധോണി, ശിഖര്‍ ധവാന്‍ തുടങ്ങിയവര്‍ സഹായവും നല്‍കി.
പൂനെയിലുള്ള ദിവസ വേതനക്കാര്‍ക്കായി ഒരു ലക്ഷം രൂപയാണ് ധോണി സംഭാവന ചെയ്തത്. മുകുള്‍ മാധവ് ഫൗണ്ടേഷന്‍ ചാരിറ്റബിള്‍ ട്രസ്റ്റിനുവേണ്ടിയാണ് ധോണിയുടെ സംഭാവന. സൗരവ് ഗാംഗുലി, ഇര്‍ഫാന്‍ പഠാന്‍, യൂസഫ് പഠാന്‍ തുടങ്ങിയവരും നേരത്തെ സഹായവുമായെത്തിയിരുന്നു. ഗാംഗുലി 50 ലക്ഷം രൂപയുടെ അരി പാവങ്ങള്‍ക്കുവേണ്ടി നല്‍കിയപ്പോള്‍ ആരോഗ്യ പ്രവര്‍ത്തകര്‍ക്കായുള്ള മാസ്‌കുകള്‍ പഠാന്‍ സഹോദരന്മാരും വിതരണം ചെയ്തു. പ്രധാനമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്ത ശിഖര്‍ ധവാന്‍ മറ്റുള്ളവരോട് സഹായത്തിനായി അഭ്യര്‍ഥിക്കുകയും ചെയ്തിട്ടുണ്ട്.
ഇന്ത്യന്‍ താരം മുഹമ്മദ് ഷമി വേറിട്ട രീതിയിലാണ് ആരാധകരോട് വീട്ടിലിരിക്കാന്‍ പറയുന്നത്. രാജ്യം വലിയ പ്രതിസന്ധിയിലൂടെ മുന്നോട്ടുപോകുന്ന കാലമാണിതെന്ന് ഷമി ട്വിറ്ററിലൂടെ പുറത്തുവിട്ട വീഡിയോയില്‍ പറയുന്നു. എല്ലാവരും വീട്ടിലിരിക്കണം. ഒരു ഹീറോ ആവുക അത്ര എളുപ്പമല്ല. വീട്ടിലിരിക്കുന്നവരാണ് ഇപ്പോള്‍ രാജ്യത്തിന്റെ ഹീറോ. ആരോഗ്യ പ്രവര്‍ത്തകരുടെ നിര്‍ദ്ദേശം അക്ഷരംപ്രതി പാലിക്കണമെന്നും ഷമി അഭ്യര്‍ഥിച്ചു.
Also Read: ദിവസവേതനക്കാരെ സഹായിക്കാന്‍ എംഎസ് ധോണിയും സൗരവ് ഗാംഗുലിയും ധവാനും
ലോകത്താകെ കൊറോണ വൈറസ് ബാധിതരുടെ എണ്ണം അഞ്ചു ലക്ഷത്തിനടുത്ത് എത്തുകയും മരണസംഖ്യ 22,000 കടക്കുകയും ചെയ്ത പശ്ചാത്തലത്തിലാണ് ഷമിയുടെ അഭ്യര്‍ഥന. വിരാട് കോലി, ആര്‍ അശ്വിന്‍, അനില്‍ കുംബ്ലെ, രോഹിത് ശര്‍മ തുടങ്ങിവയരെല്ലാം ജനങ്ങളോട് അഭ്യര്‍ഥനയുമായി എത്തിയിരുന്നു. സൗരവ് ഗാംഗുലി, എംഎസ് ധോണി, ശിഖര്‍ ധവാന്‍ തുടങ്ങിയവര്‍ സഹായവും നല്‍കി.
പൂനെയിലുള്ള ദിവസ വേതനക്കാര്‍ക്കായി ഒരു ലക്ഷം രൂപയാണ് ധോണി സംഭാവന ചെയ്തത്. മുകുള്‍ മാധവ് ഫൗണ്ടേഷന്‍ ചാരിറ്റബിള്‍ ട്രസ്റ്റിനുവേണ്ടിയാണ് ധോണിയുടെ സംഭാവന. സൗരവ് ഗാംഗുലി, ഇര്‍ഫാന്‍ പഠാന്‍, യൂസഫ് പഠാന്‍ തുടങ്ങിയവരും നേരത്തെ സഹായവുമായെത്തിയിരുന്നു. ഗാംഗുലി 50 ലക്ഷം രൂപയുടെ അരി പാവങ്ങള്‍ക്കുവേണ്ടി നല്‍കിയപ്പോള്‍ ആരോഗ്യ പ്രവര്‍ത്തകര്‍ക്കായുള്ള മാസ്‌കുകള്‍ പഠാന്‍ സഹോദരന്മാരും വിതരണം ചെയ്തു. പ്രധാനമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്ത ശിഖര്‍ ധവാന്‍ മറ്റുള്ളവരോട് സഹായത്തിനായി അഭ്യര്‍ഥിക്കുകയും ചെയ്തിട്ടുണ്ട്.