അടിച്ച് തകർത്താൽ ഒന്നാം ടി20യിൽ രോഹിതിനെ കാത്തിരിക്കുന്നത് റെക്കോർഡ്

ന്യൂഡൽഹി: പരിമിത ഓവർ ക്രിക്കറ്റിൽ അപാര ഫോമിലാണ് ഇന്ത്യയുടെ ഹിറ്റ്മാൻ രോഹിത് ശർമ. ലോകകപ്പിലെ റെക്കോർഡ് സെഞ്ച്വറികൾക്കും ടോപ് റൺ സ്കോറർ നേട്ടത്തിനും ശേഷം വെസ്റ്റ് ഇൻഡീസിലും രോഹിത് മോശമാക്കിയില്ല. ദക്ഷിണാഫ്രിക്കക്ക് എതിരെ ഒന്നാം ട്വൻറി20യിലും ഇന്ത്യൻ ഉപനായകനെ ഒരു റെക്കോർഡ് കാത്തിരിക്കുന്നുണ്ട്.

ദക്ഷിണാഫ്രിക്കക്കെതിരെ ഏറ്റവും കൂടുതൽ റൺസ് നേടുന്ന ഓപ്പണർ എന്ന നേട്ടവും ബാറ്റ്സ്മാൻ എന്ന നേട്ടവും സ്വന്തമാക്കാൻ താരത്തിന് 84 റൺസ് കൂടി മതി. ന്യൂസിലൻറ് ഓപ്പണർ മാർട്ടിൻ ഗപ്ടിലാണ് നിലവിൽ ദക്ഷിണാഫ്രിക്കക്കെതിരെ ടി20യിൽ ഏറ്റവും കൂടുതൽ റൺസ് നേടിയിട്ടുള്ള ബാറ്റ്സ്മാൻ.

Read More: Ind vs SA: ഒന്നാം ടി20ക്കുള്ള ഇന്ത്യൻ സാധ്യതാ ടീം ഇങ്ങനെ; രണ്ട് താരങ്ങളുടെ പ്രകടനം നിർണായകം

424 റൺസ് അദ്ദേഹം നേടിയിട്ടുണ്ട്. 341 റൺസുമായി രോഹിത് രണ്ടാം സ്ഥാനത്താണ്.പത്ത് ഇന്നിങ്സുകളിൽ നിന്നാണ് രോഹിതും ഗപ്ടിലും ഇത്രയും റൺസ് നേടിയിട്ടുള്ളത്. 339 റൺസ് നേടിയിട്ടുള്ള മുൻ ഇന്ത്യൻ താരം സുരേഷ് റെയ്നയാണ് മൂന്നാമത്. ഡേവിഡ് വാർണർ 329 റൺസും ക്രിസ് ഗെയിൽ 307 റൺസും നേടിയിട്ടുണ്ട്.

Read More: ഇന്ത്യ vs ദക്ഷിണാഫ്രിക്ക ടി20യിലെ 5 റൺവേട്ടക്കാർ; മുന്നിൽ ഇന്ത്യൻ താരം, ഈ പരമ്പരയിൽ ഒരാൾ മാത്രം!