ടി20 പരമ്പരയ്ക്ക് ശേഷം ഇന്ത്യക്ക് കനത്ത തിരിച്ചടി; രോഹിത് ശർമ ഏകദിന-ടെസ്റ്റ് പരമ്പരകളിൽ കളിക്കില്ല

ഇന്ത്യൻ ഉപനായകൻ രോഹിത് ശർമ ന്യൂസിലൻറിനെതിരായ ഏകദിന - ടെസ്റ്റ് പരമ്പരകളിൽ കളിക്കില്ല. പരിക്ക് കാരണം താരത്തെ ടീമിൽ നിന്ന് ഒഴിവാക്കിയതായി ബിസിസിഐ വൃത്തങ്ങളിൽ നിന്ന് ലഭിക്കുന്ന വിവരങ്ങൾ പ്രകാരം പിടിഐ റിപ്പോർട്ട് ചെയ്യുന്നു. ഇന്ത്യയും ന്യൂസിലൻറും തമ്മിലുള്ള അവസാന ടി20 മത്സരത്തിനിടെ രോഹിതിന് കാലിന് പരിക്കേറ്റിരുന്നു. ഇതാണ് താരത്തെ ഒഴിവാക്കാൻ കാരണം.

Also Read: ധോണിയുടെ പിൻഗാമിയെ ന്യൂസിലൻറ് പരമ്പര കണ്ടെത്തിക്കഴിഞ്ഞു; അത് രാഹുലല്ല, ഈ താരമെന്ന് അജയ് ജഡേജ!!

വിരാട് കോലിയുടെ അഭാവത്തിൽ ന്യൂസിലൻറിനെതിരായ അഞ്ചാം ടി20യിൽ രോഹിതായിരുന്നു ഇന്ത്യയെ നയിച്ചിരുന്നത്. ബാറ്റ് ചെയ്യുന്നതിനിടെ മസിൽ വലിവിനെ തുടർന്ന് താരം റിട്ടയർ ചെയ്ത് ക്രീസ് വിടുകയായിരുന്നു. പിന്നീട് ഫീൽഡിങിനും രോഹിത് ഇറങ്ങിയിരുന്നില്ല. രോഹിതിൻെറ പരിക്ക് ഗുരുതരമല്ലെന്നായിരുന്നു കെഎൽ രാഹുൽ മത്സരശേഷം പറഞ്ഞിരുന്നത്.

Also Read: പരമ്പരയിൽ ആകെ 41 റൺസ് അടിച്ചു, ഒരോവറിൽ തന്നെ 34 റൺസ് കൊടുത്തു; നാണക്കേടിൻെറ റെക്കോർഡ് വെറെ, ഇവനോ യുവിയുടെ പിൻഗാമി?!

മായങ്ക് അഗർവാൾ ഏകദിനത്തിൽ രോഹിതിന് പകരക്കാരനായി ടീമിലെത്താനാണ് സാധ്യത. ടെസ്റ്റ് ടീമിൽ പൃഥ്വി ഷാ, കെഎൽ രാഹുൽ എന്നിവർക്കാണ് സാധ്യത. ഓപ്പണർ ശിഖർ ധവാനെയും പരിക്ക് കാരണം നേരത്തെ തന്നെ ഏകദിന ടീമിൽ പരിഗണിച്ചിരുന്നില്ല.