അയർലൻഡിനെതിരായ രണ്ട് മത്സര ടി20 പരമ്പര തൂത്തുവാരാൻ ഹാർദിക് പാണ്ഡ്യ നയിച്ച ഇന്ത്യൻ യുവ ടീമിന് കഴിഞ്ഞിരുന്നു. സീനിയർ താരങ്ങളെല്ലാം ഇംഗ്ലണ്ട് പര്യടനത്തിലായതിനാൽ ഐപിഎല്ലിൽ മിന്നിയ താരനിരയുമായിട്ടായിരുന്നു അയർലൻഡിനെതിരെ ഇന്ത്യ കളിച്ചത്. മലയാളി താരം സഞ്ജു സാംസണുൾപ്പെടെയുള്ള താരങ്ങളായിരുന്നു ഈ ടീമിലുണ്ടായിരുന്നത്. ഇപ്പോളിതാ അയർലൻഡ് പര്യടനം പൂർത്തിയായെങ്കിലും ആ ടീം ഇന്ത്യയിലേക്ക് ഉടനെ മടങ്ങില്ലെന്നും, ഇംഗ്ലണ്ടിനെതിരായ ടി20 പരമ്പരയിലെ ആദ്യ മത്സരത്തിൽ ഈ ടീമിനെയാകും ഇന്ത്യ അണിനിരത്തുകയെന്നും റിപ്പോർട്ടുകൾ വന്നിരിക്കുന്നു. ഇതോടെ അയർലൻഡ് പര്യടനത്തിൽ കളിച്ച സഞ്ജു സാംസൺ ഉൾപ്പെടെയുള്ള യുവ താരങ്ങൾക്ക് ഒരു അന്താരാഷ്ട്ര മത്സരം കൂടി കളിക്കാനുള്ള അവസരം ഒരുങ്ങിയിരിക്കുകയാണ്.
Also Read : INDvIRE: ആവേശപ്പൂരമായി രണ്ടാം ടി20, മത്സരത്തിൽ സംഭവിച്ച പ്രധാന കാര്യങ്ങൾ പരിശോധിക്കാം...
ഇന്ത്യൻ ടീം ഇംഗ്ലണ്ടിനെതിരെ ഒരു ടെസ്റ്റും, മൂന്ന് ടി20 മത്സരങ്ങളും, മൂന്ന് ഏകദിന മത്സരങ്ങളുമാണ് കളിക്കുന്നത്. ഇതിൽ ടെസ്റ്റ് മത്സരം ജൂലൈ ഒന്നാം തീയതി മുതൽ അഞ്ചാം തീയതി വരെയാണ് നടക്കുന്നത്. ടി20 പരമ്പരയാകട്ടെ ജൂലൈ ഏഴിന് ആരംഭിക്കും. അതായത് ടെസ്റ്റ് മത്സരത്തിനും ആദ്യ ടി20 ക്കുമിടയിൽ ഒരു ദിവസത്തെ വ്യത്യാസമേയുള്ളൂ. ടെസ്റ്റ് മത്സരം കഴിഞ്ഞ് ആവശ്യത്തിന് വിശ്രമില്ലാതെ ടി20 പരമ്പരക്കിറങ്ങുന്നത് താരങ്ങളെ തളർത്തുമെന്നതിനാലാണ് ഐറിഷ് പര്യടനം കളിച്ച ടീമിനെ അതേ പടി ഇംഗ്ലണ്ടിനെതിരായ ആദ്യ ടി20 യിൽ കളിപ്പിക്കാൻ ബിസിസിഐ തീരുമാനിച്ചതെന്നാണ് സൂചന.
ടെസ്റ്റ് ടീമിൽ കളിച്ച ഇന്ത്യൻ താരങ്ങൾക്ക് ഈ മത്സരത്തിന് ശേഷം മൂന്ന് ദിവസ വിശ്രമം നൽകാനാണ് ബിസിസിഐ തീരുമാനിച്ചിരിക്കുന്നതെന്നാണ് റിപ്പോർട്ട്. അതായത് രണ്ടാം ടി20 മുതൽ ഇവർ (രോഹിത്, കോഹ്ലി, ബുംറ, പന്ത്, ജഡേജ) സെലക്ഷന് ലഭ്യമാകും. എന്നാൽ ഈ താരങ്ങൾ ടി20 ടീമിലേക്ക് വന്നാലും ഐറിഷ് പര്യടനത്തിൽ കളിച്ച ഭൂരിഭാഗം താരങ്ങളും ടി20 പരമ്പര തീരുന്നത് വരെ ഇംഗ്ലണ്ടിൽ ഇന്ത്യൻ ടീമിനൊപ്പമുണ്ടാകുമെന്നാണ് ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്യുന്നത്. എന്നാൽ ഇക്കാര്യത്തിൽ ഔദ്യോഗിക പ്രഖ്യാപനങ്ങളൊന്നും ഇതേ വരെ വന്നിട്ടില്ല.
ഇന്ത്യ-ഇംഗ്ലണ്ട് ടി20 പരമ്പരയുടെ മത്സരക്രമം
ആദ്യ ടി20 - ജൂലൈ 7, ഇന്ത്യൻ സമയം രാത്രി 10.30
രണ്ടാം ടി20 - ജൂലൈ 9, ഇന്ത്യൻ സമയം രാത്രി 7
മൂന്നാം ടി20 - ജൂലൈ 10, ഇന്ത്യൻ സമയം രാത്രി 7.
Also Read : INDvIRE: ആവേശപ്പൂരമായി രണ്ടാം ടി20, മത്സരത്തിൽ സംഭവിച്ച പ്രധാന കാര്യങ്ങൾ പരിശോധിക്കാം...
ഇന്ത്യൻ ടീം ഇംഗ്ലണ്ടിനെതിരെ ഒരു ടെസ്റ്റും, മൂന്ന് ടി20 മത്സരങ്ങളും, മൂന്ന് ഏകദിന മത്സരങ്ങളുമാണ് കളിക്കുന്നത്. ഇതിൽ ടെസ്റ്റ് മത്സരം ജൂലൈ ഒന്നാം തീയതി മുതൽ അഞ്ചാം തീയതി വരെയാണ് നടക്കുന്നത്. ടി20 പരമ്പരയാകട്ടെ ജൂലൈ ഏഴിന് ആരംഭിക്കും. അതായത് ടെസ്റ്റ് മത്സരത്തിനും ആദ്യ ടി20 ക്കുമിടയിൽ ഒരു ദിവസത്തെ വ്യത്യാസമേയുള്ളൂ. ടെസ്റ്റ് മത്സരം കഴിഞ്ഞ് ആവശ്യത്തിന് വിശ്രമില്ലാതെ ടി20 പരമ്പരക്കിറങ്ങുന്നത് താരങ്ങളെ തളർത്തുമെന്നതിനാലാണ് ഐറിഷ് പര്യടനം കളിച്ച ടീമിനെ അതേ പടി ഇംഗ്ലണ്ടിനെതിരായ ആദ്യ ടി20 യിൽ കളിപ്പിക്കാൻ ബിസിസിഐ തീരുമാനിച്ചതെന്നാണ് സൂചന.
ടെസ്റ്റ് ടീമിൽ കളിച്ച ഇന്ത്യൻ താരങ്ങൾക്ക് ഈ മത്സരത്തിന് ശേഷം മൂന്ന് ദിവസ വിശ്രമം നൽകാനാണ് ബിസിസിഐ തീരുമാനിച്ചിരിക്കുന്നതെന്നാണ് റിപ്പോർട്ട്. അതായത് രണ്ടാം ടി20 മുതൽ ഇവർ (രോഹിത്, കോഹ്ലി, ബുംറ, പന്ത്, ജഡേജ) സെലക്ഷന് ലഭ്യമാകും. എന്നാൽ ഈ താരങ്ങൾ ടി20 ടീമിലേക്ക് വന്നാലും ഐറിഷ് പര്യടനത്തിൽ കളിച്ച ഭൂരിഭാഗം താരങ്ങളും ടി20 പരമ്പര തീരുന്നത് വരെ ഇംഗ്ലണ്ടിൽ ഇന്ത്യൻ ടീമിനൊപ്പമുണ്ടാകുമെന്നാണ് ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്യുന്നത്. എന്നാൽ ഇക്കാര്യത്തിൽ ഔദ്യോഗിക പ്രഖ്യാപനങ്ങളൊന്നും ഇതേ വരെ വന്നിട്ടില്ല.
ഇന്ത്യ-ഇംഗ്ലണ്ട് ടി20 പരമ്പരയുടെ മത്സരക്രമം
ആദ്യ ടി20 - ജൂലൈ 7, ഇന്ത്യൻ സമയം രാത്രി 10.30
രണ്ടാം ടി20 - ജൂലൈ 9, ഇന്ത്യൻ സമയം രാത്രി 7
മൂന്നാം ടി20 - ജൂലൈ 10, ഇന്ത്യൻ സമയം രാത്രി 7.