Ind vs Aus Test: പൃഥ്വി ഷായ്ക്ക് പരിക്ക്, അഡലെയ‍്‍ഡ് ടെസ്റ്റിൽ കളിക്കില്ല

ന്യൂഡൽഹി: ഓസ്ട്രേലിയക്കെതിരായ ആദ്യ ടെസ്റ്റ് ക്രിക്കറ്റിന് തൊട്ട് മുമ്പായി ഇന്ത്യക്ക് തിരിച്ചടി. പരിക്കേറ്റ യുവതാരം പൃഥ്വി ഷാ ആദ്യ ടെസ്റ്റിൽ കളിക്കില്ല. ക്രിക്കറ്റ് ഓസ്ട്രേലിയ ഇലവനെതിരായ മത്സരത്തിൽ കണങ്കാലിനാണ് ഷായ്ക്ക് പരിക്കേറ്റത്.

പരിക്കേറ്റ താരത്തെ ഫീൽഡിൽ നിന്ന് എടുത്തു കൊണ്ടാണ് പോയത്. സിഡ്നിയിൽ നടക്കുന്ന മത്സരത്തിലെ ആദ്യ ഇന്നിങ്സിൽ ഇന്ത്യയുടെ ടോപ് സ്കോററായിരുന്നു ഷാ . ക്രിക്കറ്റ് ഓസ്ട്രേലിയ ഇലവൻെറ ഇന്നിങ്സിൻെറ 15ാം ഓവറിലാണ് താരത്തിന് പരിക്കേറ്റത്. ക്യാച്ചെടുക്കാൻ ശ്രമിക്കുന്നതിനിടെയാണ് ഷാ ഫീൽഡിൽ വീണത്.

ഓസ്ട്രേലിയക്കെതിരായ ആദ്യ ടെസ്റ്റിൽ പൃഥ്വി ഷാ കളിക്കില്ലെന്ന് ബിസിസിഎെ പത്രക്കുറിപ്പിൽ അറിയിച്ചു.