വരുൺ ചക്രവർത്തി കളിച്ചേക്കും
ഇന്ത്യൻ ക്രിക്കറ്റ് ടീമിൽ നിർഭാഗ്യം കൊണ്ട് ഇത് വരെ അരങ്ങേറാൻ സാധിക്കാത്ത കളിക്കാരനാണ് വരുൺ ചക്രവർത്തി. ഐപിഎല്ലിൽ കെകെആറിനായി മിന്നുന്ന പ്രകടനം കാഴ്ചവെച്ചിട്ടുള്ള വരുണിനെ ടീം മാനേജ്മെൻറ് ഭാവിയിലേക്കുള്ള കണ്ടെത്തലായാണ് കണക്കാക്കുന്നത്. കൊളംബോയിലെ മൂന്നാം മത്സരത്തിൽ വരുൺ അരങ്ങേറിയേക്കും. സീനിയർ സ്പിന്നർ യുസ്വേന്ദ്ര ചാഹലിന് വിശ്രമം അനുവദിക്കാനാണ് സാധ്യത.
(PTI Photo/Sportzpics for IPL)
സഞ്ജു സാംസണിന് അവസരം
പരിക്ക് കാരണമാണ് സഞ്ജു സാംസണിനെ ടീം ഇന്ത്യ ആദ്യമത്സരത്തിൽ പുറത്തിരുത്തിയത്. കാലിനേറ്റ പരിക്ക് ഭേദമായെങ്കിലും രണ്ടാം ഏകദിനത്തിൽ അവസരം നൽകിയില്ല. സഞ്ജുവിൻെറ അഭാവത്തിൽ കിട്ടിയ അവസരം മുതലാക്കിയ ഇഷൻ കിഷൻ ആദ്യ മത്സരത്തിൽ അർധശതകം നേടിയിരുന്നു. രണ്ടാം ഏകദിനത്തിൽ കിഷൻ നിരാശപ്പെടുത്തി. ഇനി സഞ്ജുവിന് അവസരം നൽകാൻ ടീം മാനേജ്മെൻറ് തയ്യാറായേക്കുമെന്നാണ് സൂചന.
(PTI Photo / Sportzpics for IPL)