വീണ്ടും പരിക്ക്: ഡെയ്ൽ സ്റ്റെയ‍്‍നിന് പരമ്പര നഷ‍്‍ടമാവും

കേപ് ടൗൺ: ഇന്ത്യക്കെതിരെയുള്ള ടെസ്റ്റ് പരമ്പരയിലെ ഇനിയുള്ള മത്സരങ്ങളിൽ ദക്ഷിണാഫ്രിക്കൻ പേസർ ഡെയ്ൽ സ്റ്റെയ്ൻ കളിക്കില്ല. പരിക്ക് മൂലമാണ് സ്റ്റെയ്ൻ പരമ്പരയിൽ നിന്ന് പിൻമാറുന്നത്. ആദ്യ ടെസ്റ്റിൻെറ രണ്ടാം ദിനമാണ് സ്റ്റെയ‍്‍നിന് കാലിൻെറ ഉപ്പൂറ്റിക്ക് പരിക്കേറ്റത്.

കുറഞ്ഞത് ആറാഴ്ചയെങ്കിലും താരത്തിന് വിശ്രമം വേണ്ടി വരും. നേരത്തെ പരിക്കിനെ തുട‍ർന്ന് ഏറെ കാലമായി സ്റ്റെയ്ൻ കളിക്കളത്തിൽ നിന്ന് വിട്ടു നിൽക്കുകയായിരുന്നു. തിരിച്ചു വരവിൽ ഇന്ത്യയുടെ രണ്ട് വിക്കറ്റ് വീഴ്ത്തി മികച്ച രീതിയിൽ കളിക്കുമ്പോഴാണ് വീണ്ടും പരിക്ക് വില്ലനാവുന്നത്.

തോളെല്ലിന് പരിക്കേറ്റ് ശസ്ത്രക്രിയക്ക് ശേഷം ഏകദേശം ഒരു വ‍ർഷത്തിന് ശേഷമായിരുന്നു താരത്തിൻെറ മടങ്ങിവരവ്.