​ഡീകോക്കിനും പരിക്ക്: ദക്ഷിണാഫ്രിക്കക്ക് വീണ്ടും തിരിച്ചടി

കേപ് ടൗൺ: ഇന്ത്യക്കെതിരായ ടെസ്റ്റ് പരമ്പരയിൽ വിജയം നേടിയെങ്കിലും ഏകദിനപരമ്പര ദക്ഷിണാഫ്രിക്കക്ക് വൻ തിരിച്ചടികളാണ് സമ്മാനിക്കുന്നത്. പരമ്പരയ്ക്ക് മുമ്പ് തന്നെ പരിക്കേറ്റ എബി ഡീവില്ലിയേഴ‍്‍സിന് മൂന്ന് മത്സരങ്ങൾ നഷ്ടമാവുമെന്ന വാ‍ർത്തയെത്തി.

ആദ്യ ഏകദിനത്തിൽ പരിക്കേറ്റ ക്യാപ്റ്റൻ ഡുപ്ലെസിക്ക് പരമ്പരയിൽ നിന്ന് തന്നെ പിൻമാറേണ്ടി വന്നു. ഇപ്പോഴിതാ വിക്കറ്റ് കീപ്പ‍ർ ബാറ്റ്സ്മാൻ ക്വിൻറൺ ഡീകോക്കും പരിക്കേറ്റ് പുറത്ത് പോവുകയാണ്. തുട‍ർച്ചയായി രണ്ട് ഏകദിനങ്ങൾ തോറ്റ് നിൽക്കുമ്പോഴാണ് ദക്ഷിണാഫ്രിക്കക്ക് ഈ തിരിച്ചടി.

സെഞ്ചൂറിയനിൽ നടന്ന രണ്ടാം ഏകദിനത്തിലാണ് ഡീകോക്കിന് പരിക്കേറ്റത്. കൈക്ക് പരിക്കേറ്റ താരത്തിന് പരമ്പരയിൽ ഇനി കളിക്കാനാവില്ല. 2 മുതൽ നാലാഴ്ച വരെ വിശ്രമം വേണ്ടി വരുമെന്ന് ടീം അധികൃതർ വ്യക്തമാക്കി. ഇന്ത്യക്കെതിരായ ട്വൻറി20യിലും ഡീ കോക്ക് കളിക്കില്ലെന്ന് ഇതോടെ ഉറപ്പായി.