ഓസീസിനെതിരായ ഏകദിന പരമ്പരയിൽ ഹാർദിക് തിരിച്ചെത്തിയേക്കും

ന്യൂഡൽഹി: പരിക്ക് മൂലം മത്സരങ്ങളിൽ നിന്ന് മാറി നിൽക്കുന്ന ഇന്ത്യൻ ഓൾ റൗണ്ട‍ർ ഹാർദിക് പാണ്ഡ്യ ഓസ്ട്രേലിയക്കെതിരായ ഏകദിന പരമ്പരയിൽ തിരിച്ചെത്തിയേക്കും. ഓസീസിനെതിരായ ട്വൻറി20 പരമ്പര തുടങ്ങിയെങ്കിലും ഏകദിന പരമ്പരക്കുള്ള ടീം പ്രഖ്യാപിച്ചിട്ടില്ല. ടീം പ്രഖ്യാപിക്കുമ്പോൾ ഹാർദികിനെ ഉൾപ്പെടുത്തുമെന്നാണ് സൂചന.

ഏഷ്യാകപ്പിൽ പാകിസ്ഥാനെതിരായ മത്സരത്തിനിടെയാണ് ഹാർദികിന് പരിക്കേറ്റത്. നട്ടെല്ലിന് പരിക്കേറ്റ താരം പിന്നീട് വിശ്രമത്തിലായിരുന്നു. വെസ്റ്റ് ഇൻഡീസിനെതിരായ പരമ്പരയിൽ അദ്ദേഹം കളിച്ചിരുന്നില്ല. ഏകദേശം രണ്ട് മാസത്തോളമായി പാണ്ഡ്യ വിശ്രമിത്തലാണ്.

പരിക്കിൽ നിന്ന് മോചിതനായി തുടങ്ങിയെന്നും ഓസ്ട്രേലിയക്കെതിരായ ഏകദിന പരമ്പരയിൽ തിരിച്ചെത്താൻ സാധിക്കുമെന്നാണ് പ്രതീക്ഷയെന്നും ഹാർദിക് പാണ്ഡ്യ പറഞ്ഞു.