Ind Vs Aus: പെർത്ത് ടെസ്റ്റിനുള്ള ടീമിൽ നിന്ന് രോഹിതിനെയും അശ്വിനെയും ഒഴിവാക്കി

പെർത്ത്: ഓസ്ട്രേലിയക്കെതിരായ രണ്ടാം ക്രിക്കറ്റ് ടെസ്റ്റിനുള്ള ഇന്ത്യൻ ടീമിൽ നിന്ന് സ്പിന്നർ ആർ.അശ്വിനെയും രോഹിത് ശർമ്മയെയും ഒഴിവാക്കി. പരിക്ക് കാരണമാണ് ഇരുവരെയും ഒഴിവാക്കിയത്. ഒന്നാം ടെസ്റ്റിൽ മികച്ച ബോളിങ് പ്രകടനം കാഴ്ച വെച്ച അശ്വിൻെറ പരിക്ക് ഇന്ത്യക്ക് വലിയ തിരിച്ചടിയാണ്.

ടീമിൽ ഉൾപ്പെടുത്തിയിരുന്ന യുവതാരം പൃഥ്വി ഷായ്ക്ക് പരിക്കേറ്റത് പരമ്പര തുടങ്ങും മുമ്പ് തന്നെ ഇന്ത്യക്ക് തലവേദനയായിരുന്നു. അതിന് ശേഷമാണ് ഇപ്പോൾ രണ്ട് താരങ്ങൾ കൂടി പരിക്കേറ്റ് പിൻമാറേണ്ടി വന്നത്. പെർത്തിൽ നടക്കാൻ പോവുന്ന രണ്ടാം ടെസ്റ്റിനുള്ള ടീമിൽ നിന്ന് ഇരുവരെയും ഒഴിവാക്കിയിട്ടുണ്ട്.

13 അംഗ ടീമിനെയാണ് മത്സരത്തിനായി പ്രഖ്യാപിച്ചിട്ടുള്ളത്. ഓസീസിനെതിരായ നാല് ടെസ്റ്റ് മത്സരങ്ങളുടെ പരമ്പരയിൽ ഇന്ത്യ 1-0ന് മുന്നിലാണ്. അഡലെയ്ഡ് ടെസ്റ്റിൽ ഇന്ത്യ വിജയിച്ചിരുന്നു.