ഡൽഹിയെ 146 റൺസിന് തോൽപിച്ച് മുബൈയ്‍ക്ക് തകർപ്പൻ ജയം

ന്യൂഡൽഹി: ഇന്ത്യന്‍ പ്രീമിയര്‍ ലീഗില്‍ ഡല്‍ഹി ഡെയര്‍ ഡെവിള്‍സിനെതിരെ മുംബൈ ഇന്ത്യന്‍സിന് 146 റണ്‍സിന്റെ തകര്‍പ്പന്‍ വിജയം. 213 റണ്‍സിന്റെ കൂറ്റന്‍ വിജയലക്ഷ്യം പിന്തുടര്‍ന്ന ഡല്‍ഹി 13.4 ഓവറില്‍ 66 റണ്‍സിന് എല്ലാവരും പുറത്തായി. കഴിഞ്ഞ മത്സരത്തില്‍ ഗുജറാത്തിനെതിരെ കൂറ്റന്‍ സ്കോര്‍ പിന്തുടര്‍ന്ന് വിജയിച്ചതിന്റെ ആത്മവിശ്വാസത്തിലിറങ്ങിയ ഡല്‍ഹി തുടക്കത്തിലെ തകരുന്നതാണ് കണ്ടത്. കഴിഞ്ഞ മത്സരത്തിലെ താരം സഞ്ജു സാംസനെ ആദ്യ പന്തില്‍ തന്നെ പുറത്താക്കി മഗ്ലാരനാണ് മുംബയുടെ വിക്കറ്റ് വേട്ടയ്ക്ക് തുടക്കം കുറിച്ചത്. പിന്നീട് കൃത്യമായ ഇടവേളകളില്‍ വിക്കറ്റ് നഷ്ടമായതോടെ ഡല്‍ഹി ദയനീയ തോല്‍വി ഏറ്റുവാങ്ങുകയായിരുന്നു. മുംബയ്ക്ക് വേണ്ടി ഹര്‍ഭജനും ശര്‍മ്മയും മൂന്ന് വിക്കറ്റ് വീതം നേടുകയുമായിരുന്നു.

43 പന്തില്‍ 66 റണ്‍സ് നേടിയ സിമ്മണ്‍സിന്റെയും 35 പന്തില്‍ പുറത്താകാതെ 63 റണ്‍സ് നേടിയ പൊള്ളാര്‍ഡിന്റെയും മികവില്‍ മുംബൈനിശ്ചിത ഓവറില്‍ മൂന്ന് വിക്കറ്റ് നഷ്ടത്തിലാണ് 212 റണ്‍സടിച്ചത്. അവസാന ഓവറുകളില്‍ പൊള്ളാര്‍ഡും ഹാര്‍ദിക് പാണ്ഡ്യെ(14 പന്തില്‍ 29)യും നടത്തിയ വെടിക്കെട്ടാണ് മുംബയുടെ സ്കോര്‍ 200 കടത്തിയത്. ഇരുവരും നാലാം വിക്കറ്റില്‍ 27 പന്തില്‍ 59 റണ്‍സടിച്ചു കൂട്ടി.

IPL 2017,
Delhi Daredevils vs Mumbai Indians: DD beat MI by 146 runs