ഐപിഎല്‍: രണ്ട് സൂപ്പര്‍ റണ്‍ ഔട്ടുകള്‍, ഒന്ന് സഞ്ജു സാംസണ്‍ വക

മുംബൈ: ഐപിഎല്ലില്‍ ഇന്നലെ നടന്ന മുംബൈ ഇന്ത്യന്‍സ് - ഡല്‍ഹി ഡെയര്‍ഡെവിള്‍സ് പോരാട്ടം റണ്‍ മഴ ആയിരുന്നില്ല. ബൗളര്‍മാര്‍ ബാറ്റ്‍സ്‍മാന്മാരെ മെരുക്കിയപ്പോള്‍ ഫീല്‍ഡര്‍മാരും ഒപ്പം നിന്നു.

മത്സരത്തിലെ ഹൈലൈറ്റായ രണ്ട് റണ്‍ ഔട്ടുകള്‍ നടത്തിയത് മലയാളി താരം സഞ്ജു സാംസണും മുംബൈ താരം ഹാര്‍ദ്ദിക് പാണ്ഡ്യയുമാണ്.

മുംബൈ സ്കോര്‍ 47ല്‍ എത്തിയപ്പോള്‍ പെട്ടന്ന് സിംഗിള്‍ എടുക്കാന്‍ ശ്രമിച്ച ജോസ്‍ ബട്‍ലറെ മടക്കിയയച്ച് സഞ്ജുവാണ് ആദ്യം റണ്‍ ഔട്ട് എടുത്തത്. ബട്‍ലര്‍ക്ക് ഓടിയടുക്കാന്‍ കഴിയും മുന്‍പ് കുതിച്ചെത്തിയ സ‌ഞ്ജു പന്ത് ഒരു സൂപ്പര്‍ ത്രോയിലൂടെ വിക്കറ്റിലെത്തിക്കുകയായിരുന്നു.

സഞ്ജുവിന്‍റെ ത്രോ...



ഡല്‍ഹി ഡെയര്‍ഡെവിള്‍സ് ബാറ്റ് ചെയ്യാന്‍ എത്തിയ ആദ്യ ഓവറില്‍ തന്നെ പാണ്ഡ്യ ഫീല്‍ഡിങ് മികവ് തെളിയിച്ചു. റണ്‍സ് എടുക്കും മുന്‍പ് ഡല്‍ഹി താരം ആദിത്യ തരേ ആണ് പുറത്തായത്. സിംഗിളിനുവേണ്ടി ഓടിയ തരേയെ ക്രീസിലെത്തും മുന്‍പ് അമാനുഷിക വേഗത്തില്‍ പന്തെറിഞ്ഞാണ് പാണ്ഡ്യ കുടുക്കിയത്.

പാണ്ഡ്യയുടെ ത്രോ...



ഇന്ത്യന്‍ ക്രിക്കറ്റിന്‍റെ ഭാവി താരങ്ങളാണ് പാണ്ഡ്യയും സഞ്ജുവും. അധികം വൈകാതെ രണ്ടുപേരും ഒരുമിച്ച് ഇന്ത്യന്‍ ടീമിലെത്തുമെന്നും കരുതാം.

IPL 2017: Hardik Pandya and Sanju Samson run outs