പഞ്ചാബിനെതിരെ മുംബൈയ്ക്ക് 8 വിക്കറ്റ് ജയം

ഇന്‍ഡോര്‍: ഐ.പി.എല്‍ പത്താം സീസണിലെ രണ്ടാം സെഞ്ചുറി കണ്ട മത്സരത്തില്‍ കിങ്സ് ഇലവന്‍ പഞ്ചാബിനെതിരെ മുംബൈ ഇന്ത്യന്‍സിന് മുംബൈയ്ക്ക് 8 വിക്കറ്റ് ജയം. നിതീഷ് റാണ ടൂര്‍ണമെന്‍റിൽ റൺവേട്ടയിൽ മുന്നിൽ. അംലയുടെ സെഞ്ച്വറി പാഴായി. 199 റണ്‍സ് വിജയലക്ഷ്യവുമായിറങ്ങിയ മുംബൈ 15.3 ഓവറിൽ രണ്ട് വിക്കറ്റിന് ലക്ഷ്യം കണ്ടു. ജോസ് ബട്ലറും നിതീഷ് റാണയും ചേർന്നാണ് വിജയം രചിച്ചത്. 60 പന്തില്‍ 104 റണ്‍സ് നേടി പുറത്താകാതെ നിന്ന ഹാഷിം അംലയുടെ സെഞ്ച്വറി പഞ്ചാബിന് പാഴായി.

ആറു സിക്സിന്റെയും എട്ടു ഫോറിന്റെയും അകമ്പടിയോടെ തന്റെ ടിട്വന്റി കരിയറിലെ ആദ്യ സെഞ്ചുറിയാണ് അംല ഇന്‍ഡോറില്‍ കുറിച്ചത്. ഈ സീസണില്‍ ആദ്യ സെഞ്ചുറി നേടിയത് ഡല്‍ഹി ഡെയര്‍ഡെവിള്‍സിന്റെ മലയാളി താരം സഞ്ജു വി സാംസണാണ്. ഷോണ്‍ മാര്‍ഷും അംലയും ചേര്‍ന്ന് മികച്ച തുടക്കമാണ് പഞ്ചാബിന് നല്‍കിയത്. എന്നാൽ ബാറ്റിംഗിൽ മുംബൈ കസറിയതോടെ പഞ്ചാബ് പരാജയം രുചിച്ചു.