പൂനെയെ ആറ് വിക്കറ്റിന് തകർത്ത് കിങ്‍സ് ഇലവൻ പഞ്ചാബ്

ഇന്‍ഡോര്‍: ഐപിഎല്ലില്‍ കിങ്‍സ് ഇലവന്‍ പഞ്ചാബിന് ജയം. പൂനെ സൂപ്പര്‍ ജയന്‍റ്‍സിനെ ആറ് വിക്കറ്റിന് തകർത്താണ് പ‌‌ഞ്ചാബ് ജയം സ്വന്തമാക്കിയത്. ആദ്യമത്സരത്തിൽ മുംബൈ ഇന്ത്യന്‍സിനെ തോല്‍പ്പിച്ചാണ് പൂനെ ഐപിഎല്‍ സീസണ്‍ ആരംഭിച്ചിരുന്നത്. 20 ഓവറിൽ ആറ് വിക്കറ്റിന് 163 നേടിയ പൂനെയെ ഒരു ഓവർ ബാക്കിനിൽക്കെ പഞ്ചാബ് മറികടന്നു. പൂനെയുടെ ബെൻ സ്റ്റോക്സ് അർദ്ധസെഞ്ച്വറി നേടി. മനോജ് തീവാരി 40 റൺസും സ്റ്റീവൻ സ്മിത്ത് 26 റൺസും രഹാനെ 19 റൺസും നേടി. ധോണി അഞ്ച് റൺസിന് പുറത്തായി.

മറുപടി ബാറ്റിങ്ങിൽ പഞ്ചാബിന്റെ ഹാഷിം അംല 28ഉം അക്സർ പട്ടേൽ 24 ഉം നേടിയപ്പോൾ ക്യാപ്റ്റൻ ഗ്ലെൻ മാക്സ്‍വെലും ഡേവിഡ് മില്ലറും 44ഉം 30ഉം പുറത്താകാതെ നേടി വിജയം നേടി. പൂനെയുടെ ഇമ്രാൻ താഹിൽ 29 റൺസിന് 2 വിക്കറ്റ് നേടി. കഴിഞ്ഞ സീസണിലെ മോശം പ്രകടനം തിരുത്തുകയെന്ന ലക്ഷ്യത്തോടെയാണ് പഞ്ചാബ് ഇറങ്ങിയത്.

IPL 2017

T20, Kings XI Punjab vs Rising Pune Supergiants, KXIP win by 6 wickets.