ഉത്തപ്പയുടെ വെടിക്കെട്ട് വീണ്ടും, കൊല്‍ക്കത്തയ്ക്ക് വൻ ജയം

പൂനെ: റോബിന്‍ ഉത്തപ്പയുടെയും ക്യാപ്റ്റന്‍ ഗൗതം ഗംഭീറിന്റെയും ബാറ്റിംഗ് മികവില്‍ റൈസിംഗ് പുണെ ജയന്റ്സിനെതിരെ കൊല്‍ക്കത്ത നെറ്റ് റെെഡേയ്സിന് 7 വിക്കറ്റിന്റെ തകര്‍പ്പന്‍ വിജയം. 183 റണ്‍സിന്റെ വിജയലക്ഷ്യവുമായി ബാറ്റിംഗിനിറങ്ങിയ കൊല്‍ക്കത്ത 18.1 ഓവറില്‍ മൂന്ന് വിക്കറ്റ് നഷ്ടത്തില്‍ വിജയറണ്‍സ് നേടി. വിജയത്തോടെ 12 പോയിന്റുമായി കൊല്‍ക്കത്ത ഒന്നാം സ്ഥാനത്തെത്തി. എട്ട് പോയിന്റുമായി പൂനെ നാലാം സ്ഥാനത്താണ്. 47 പന്തില്‍ 87 റണ്‍സ് നേടിയ ഉത്തപ്പയ്ക്ക് പുറമെ അര്‍ദ്ധസെഞ്ചുറി നേടിയ നായകന്‍ ഗംഭീറും(46 പന്തില്‍ 62) മികച്ച പ്രകടനം പുറത്തെടുത്തപ്പോള്‍ കൊല്‍ക്കത്തയുടെ വിജയം അനായാസമാകുകയായിരുന്നു.

IPL Highlights, RPS Vs KKR
IPL Highlights, RPS Vs KKR: Robin Uthappa, Gautam Gambhir Power Kolkata To 7-Wicket Win vs Pune