ആപ്പ്ജില്ല

ഐപിഎൽ: സ്‌റ്റോക്‌സിന് 12.5 കോടി, കരുണ്‍ നായര്‍ക്ക് 5.6 കോടി

കെ.എൽ.രാഹുലിനെ കിങ്‌സ് ഇലവൻ പഞ്ചാബ് 11 കോടിക്ക് സ്വന്തമാക്കി

TNN 27 Jan 2018, 12:28 pm
ബെംഗലൂരു: ഐപിഎല്ലിന്‍റെ പതിനൊന്നാം എഡീഷനിലേക്കുള്ള താരലേലം ബെംഗലൂരുവിൽ തുടരുന്നു. ഇംഗ്ലണ്ട് താരം ബെൻ സ്റ്റോക്സാണ് ഇതുവരെയുള്ളതിലെ വിലയേറിയ താരം. 12.5 കോടി രൂപയ്ക്ക് രാജസ്ഥാൻ റോയൽസ് സ്റ്റോക്സിനെ സ്വന്തമാക്കി. കെ.എൽ.രാഹുലിനെ കിങ്‌സ് ഇലവൻ പഞ്ചാബ് 11 കോടിക്ക് സ്വന്തമാക്കി.കരുൺ നായരെ 5.6 കോടിക്ക് കിങ്‌സ് ഇലവൻ പഞ്ചാബും സ്വന്തമാക്കി.
Samayam Malayalam ipl stocks bought for 12 5 crores
ഐപിഎൽ: സ്‌റ്റോക്‌സിന് 12.5 കോടി, കരുണ്‍ നായര്‍ക്ക് 5.6 കോടി


ഓസ്ട്രേലിയൻ‌ പേസ് ബോളർ മിച്ചൽ സ്റ്റാർക്കിനെ 9.4 കോടി രൂപയ്ക്ക് കൊൽക്കത്ത നൈറ്റ് റൈഡേഴ്സും സ്വന്തമാക്കി.അതേ സമയം, സൺറൈസേഴ്‌സ് ഹൈദരാബാദ് ശിഖർ ധവാനെ 5.20 കോടി രൂപക്ക് നിലനിർത്തി. റൈറ്റ് ടൂ മാച്ച് കാർഡ് വഴിയാണ് ധവാനെ നിലനിർത്തിയത്. കിങ്‌സ് ഇലവൻ പഞ്ചാബ് ആർ.അശ്വിനെ 7.60 കോടിക്ക് സ്വന്തമാക്കി. കിറോൺ പൊള്ളാർഡിനെ 5.40 കോടിക്ക് മുംബൈ ഇന്ത്യൻസ് നിലനിർത്തി. എന്നാൽ, ക്രിസ് ഗെയിലിനെ ഇത് വരെ ഒരു ടീമും സ്വന്തമാക്കിയിട്ടില്ല.

ഗെയിലിനായി നാളെ വീണ്ടും ലേലം നടത്തും. ഗെയിലിന്‍റെ അടിസ്ഥാന വിലയായ രണ്ട് കോടി മുടക്കാൻ ഒരു ടീമും ധൈര്യപ്പെട്ടില്ല. ഗെയിലിന്‍റെ ശാരീരീരിക ക്ഷമതയില്ലായ്‌മയാണ് ടീം ഉടമകളെ ആശങ്കയിലാഴ്ത്തുന്നതെന്നാണ് സൂചന. യുവരാജ് സിങിനെ പഞ്ചാബ് റോയൽസ് അടിസ്ഥാന വിലയായ രണ്ട് കോടിക്ക് സ്വന്തമാക്കി. 6.4 കോടിക്ക് ഡൈ്വന്‍ ബ്രാവോയെ ചെന്നൈ സ്വന്തമാക്കി. 2.8 കോടിക്ക് ഗൗതം ഗംഭീർ ഡൽഹി ടീമിലേക്ക് ചേക്കേറി. നാലു കോടിക്ക് രഹാനെ രാജസ്ഥാൻ റോയൽസിലേക്ക് വരും.

ടീമുകളുടെ ഘടന ഉടച്ചുവാർക്കുന്ന ലേലം കൂടിയാണിത്. ഓരോ ടീമിനും പരമാവധി 25 കളിക്കാരെ സ്വന്തമാക്കാം. ആകെ ചെലവാക്കാൻ കഴിയുന്ന തുക 80 കോടിയാണ്. ഈ തുകക്കുള്ളിൽ നിന്ന് മുഴുവൻ സ്‌ക്വാഡിനെയും സ്വന്തമാക്കണമെന്നത് ടീമുകൾക്ക് വെല്ലുവിളിയാണ്. അതിനാൽ ഓരോ കളിക്കാരനും 10 കോടിയും 15 കോടിയും ചെലവാക്കാൻ ടീമുകൾ മടിക്കും.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്