ലോ‍ർഡ‍്‍സിൽ 100 വിക്കറ്റ് നേടുന്ന ആദ്യതാരമായി ആൻഡേഴ‍്‍സൺ

ലോ‍ർഡ‍്‍സ്: ഇംഗ്ലണ്ടിലെ ലോ‍ർഡ‍്‍സ് ക്രിക്കറ്റ് സ്റ്റേഡിയത്തിൽ ടെസ്റ്റ് ക്രിക്കറ്റിൽ 100 വിക്കറ്റ് വീഴ്ത്തുന്ന ആദ്യ താരമായി ഇംഗ്ലീഷ് പേസർ ജെയിംസ് ആൻഡേഴ‍്‍സൺ. ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റിൻെറ രണ്ടാം ഇന്നിങ്സിൽ ഓപ്പണർ മുരളി വിജയിൻെറ വിക്കറ്റെടുത്താണ് ആൻഡേഴ‍്‍സൺ റെക്കോർഡ് നേട്ടം കൈവരിച്ചത്.

മത്സരത്തിൻെറ രണ്ട് ഇന്നിങ്സുകളിലുമായി ഒമ്പത് വിക്കറ്റുകളാണ് ഇംഗ്ലീഷ് പേസർ പിഴുതത്. ലങ്കൻ സ്പിന്നർ മുത്തയ്യ മുരളീധരന് ശേഷം ഒരു സ്റ്റേഡിയത്തിൽ 100 വിക്കറ്റുകൾ വീഴ്ത്തുന്ന ലോകത്തിലെ തന്നെ രണ്ടാമത്തെ ബോളറാണ് ആൻഡേഴ‍്‍സൺ. കൊളംബോയിലെ സിംഹളീസ് സ്പോർട്സ് ക്ലബ്ബ് സ്റ്റേഡിയത്തിലാണ് മുരളീധരൻ 100 വിക്കറ്റുകൾ വീഴ്ത്തിയിട്ടുള്ളത്.