അരങ്ങേറ്റത്തിൽ വമ്പൻമാരെ വീഴ്ത്തി ജസ‍്‍പ്രീത് ബുംറ

കേപ് ടൗൺ: പരിമിത ഓവ‍ർ ക്രിക്കറ്റിലെ ഇന്ത്യൻ ബൗളിങ് നിരയുടെ നട്ടെല്ലാണ് ജസ‍്‍പ്രീത് ബുംറ. ഏകദിന ട്വൻറി20 ക്രിക്കറ്റിലെ ഫോം താരത്തിന് ഒടുവിൽ ടെസ്റ്റ് ടീമിലും ഇടം നൽകി. ദക്ഷിണാഫ്രിക്കൻ മണ്ണിൽ നടന്ന തൻെറ അരങ്ങേറ്റ ടെസ്റ്റിൽ തന്നെ ബുംറ വിക്കറ്റും വീഴ്ത്തി.

ദക്ഷിണാഫ്രിക്കയുടെ എബി ഡീവില്ലിയേഴ‍്‍സിനെ വീഴ്ത്തിയാണ് ബുംറ തൻെറ ഗംഭീരം അരങ്ങേറ്റമാക്കിയത്. മികച്ച ഫോമിൽ ഡീവില്ലിയേഴ‍്‍സ് ബാറ്റിങ് തുടരുമ്പോഴാണ് ബുംറ നി‍ർണായക വിക്കറ്റെടുത്തത്. ക്രിക്കറ്റിലെ മൂന്ന് ഫോ‍ർമാറ്റിലും അരങ്ങേറ്റ മത്സരത്തിൽ തന്നെ വമ്പൻമാരെ വീഴ്ത്തിയിരിക്കുകയാണ് താരം.

2013ലാണ് ബുംറ എെപിഎല്ലിൽ മുംബൈ ഇന്ത്യൻസിൻെറ താരമായി അരങ്ങേറ്റം നടത്തിയത്. ഡേവിഡ് വാ‍ർണ‍റായിരുന്നു അന്ന് ആദ്യ ഇര. ഓസ്ടേലിയക്കെതിരെ ഏകദിനത്തിൽ ആദ്യ മത്സരം കളിച്ച ബുംറ അവരുടെ ക്യാപ്റ്റൻ സ്റ്റീവ് സ്മിത്തിനെ തന്നെയാണ് ആദ്യം പുറത്താക്കിയത്. ഇതോടെ ക്രിക്കറ്റിലെ മൂന്ന് ഫോ‍ർമാറ്റുകളിലും തുടക്കം ഗംഭീരമാക്കാൻ ബുംറക്ക് സാധിച്ചു.