ലോകകപ്പ് ടീമിൽ സ്ഥാനം ഉറപ്പാക്കാൻ ജയദേവ് ഉനാദ‍്‍ക‍ദ്

മുംബൈ: നിധാഹാസ് ട്രോഫിയിൽ ഇന്ത്യൻ പേസ് ബൗളിങ് നിരയെ നയിക്കാനുള്ള ഉത്തരവാദിത്വം ജയദേവ് ഉനാദ‍്‍ക‍ദിനാണ്. പ്രധാന താരങ്ങളായ ജസ്‍പ്രീത് ബുംറ, ഭുവനേശ്വ‍ർ കുമാർ, ഹാ‍ർദിക് പാണ്ഡ്യ എന്നിവ‍ർ പരമ്പരയിൽ കളിക്കുന്നില്ല.

ശ്രീലങ്കയിൽ നടക്കുന്ന ത്രിരാഷ്ട്ര ട്വൻറി20 പരമ്പരയിൽ മികച്ച പ്രകടനം പുറത്തെടുക്കാനായാൽ ഇന്ത്യൻ ഏകദിന ടീമിൽ സ്ഥാനം പിടിക്കാനാവുമെന്നാണ് ഉനാദ‍്‍ക‍ദ് കരുതുന്നത്. വരുന്ന ലോകകപ്പിൽ ടീമിൽ സ്ഥാനം ഉറപ്പാക്കുകയായിരിക്കും താരത്തിൻെറ ലക്ഷ്യം.

2016ൽ സിംബാവെക്കെതിരെയാണ് ഉനാദ‍്‍ക‍ദ് ഇന്ത്യക്കായി ട്വൻറി20യിൽ അരങ്ങേറ്റം കുറിച്ചത്. വരുന്ന എെപിഎൽ സീസണിലെ ഏറ്റവും വില പിടിപ്പുള്ള താരമാണ് രാജസ്ഥാൻ റോയൽസിൻെറ താരമായ ഉനാദ‍്‍ക‍ദ്.