ലോകത്തെ ഏറ്റവും മികച്ച ഫീൽഡർ? ജോണ്ടി റോഡ്‍സിൻെറ ഉത്തരം ഇതാണ്

ലോക ക്രിക്കറ്റ് കണ്ട എക്കാലത്തെയും മികച്ച ഫീൽഡർ ആരെന്ന ചോദ്യത്തിന് മിക്കവരുടെയും മനസ്സിൽ വരുന്ന ഉത്തരം ദക്ഷിണാഫ്രിക്കൻ താരം ജോണ്ടി റോഡ്‍സിൻെറ പേരായിരിക്കും. എന്നാൽ തന്നേക്കാളും മികച്ച ഫീൽഡർമാരായി റോഡ്‍സ് പരിഗണിക്കുന്ന രണ്ട് താരങ്ങളുണ്ട്.

അശ്വിൻ എന്ന ഒരു ട്വിറ്റർ യൂസറുടെ ചോദ്യത്തിനാണ് റോഡ്‍സ് അൽപം രസകരമായി ഉത്തരം പറഞ്ഞത്. മുൻ ദക്ഷിണാഫ്രിക്കൻ നായകൻ ഷോൺ പൊള്ളോക്കിൻെറയും ഇന്ത്യയുടെ മികച്ച ഫീൽഡറായിരുന്ന റോബിൻ സിങിൻെറയും പേരാണ് റോഡ്‍സ് പറഞ്ഞത്. സ്വയം ട്രോളിക്കൊണ്ടായിരുന്നു താരത്തിൻെറ മറുപടി.


എെപിഎല്ലിൽ മുംബൈ ഇന്ത്യൻസിൻെറ പരിശീലകരായി മൂവരും ഒരുമിച്ചുണ്ടായിരുന്ന സമയത്ത് ത്രോ ചെയ്ത് മത്സരിക്കുമ്പോൾ പൊള്ളോക്കും റോബിൻ സിങും തന്നെ തോൽപ്പിക്കാറുണ്ടെന്നും റോഡ്‍സ് കൂട്ടിച്ചേർത്തു.