ലോകത്തിലെ മികച്ച ഫീൽഡർ ആരെന്ന ചോദ്യത്തിന് 7 പേരുകൾ ഉത്തരം നൽകി ജോണ്ടി റോഡ‍്‍സ്; കൂട്ടത്തിൽ 2 ഇന്ത്യക്കാ‍ർ!!

ക്രിക്കറ്റ് ചരിത്രത്തിലെ ഏറ്റവും മികച്ച ഫീൽഡർമാരി മുൻനിരയിൽ സ്ഥാനമുള്ള താരമാണ് ദക്ഷിണാഫ്രിക്കയുടെ ജോണ്ടി റോഡ‍്‍സ്. ഒരു കാലത്ത് ലോകക്രിക്കറ്റിൽ ഫീൽഡിങിൻെറ പര്യായം തന്നെ റോഡ‍്‍സ് ആയിരുന്നു. ക്രിക്കറ്റിൽ നിന്ന് വിരമിച്ചതിന് ശേഷവും റോഡ‍്‍സ് ഫീൽഡിങ് പരിശീലനരംഗത്ത് സജീവമാണ്. ഇന്ത്യയുടെ ഫീൽഡിങ ്പരിശീലക സ്ഥാനത്തേക്കും അദ്ദേഹം അപേക്ഷിച്ചിരുന്നു.

പല അഭിമുഖങ്ങളിലും റോഡ‍്‍സ് തൻെറ പ്രിയപ്പെട്ട ഫീൽഡർമാർ ആരെല്ലാമെന്ന് പറഞ്ഞിട്ടുണ്ട്. ട്വിറ്ററിൽ ഒരു ആരാധകകൻ വീണ്ടും ഇതേ ചോദ്യം അദ്ദേഹത്തോട് ആവർത്തിച്ചിരിക്കുകയാണ്. ആരാണ് ലോകക്രിക്കറ്റിലെ എക്കാലത്തെയും മികച്ച ഫീൽഡർ എന്നതാണ് ചോദ്യം. ഒന്നും രണ്ടുമല്ല, ഏഴ് പേരുകളാണ് മറുപടിയായി റോഡ്സ് പറഞ്ഞത്.

Also Read: ഡോളി പാർട്ടൺ ചലഞ്ചിൽ സ്റ്റീവ് സ്മിത്തിനെ ട്രോളി ഐസിസി; പിന്നാലെ ആരാധകരുടെ വക കിടുക്കൻ ട്രോളുകളുടെ ചാകര!!


ഇതിൽ രണ്ട് ഇന്ത്യൻ താരങ്ങളുമുണ്ട്. സുരേഷ് റെയ്ന, രവീന്ദ്ര ജഡേജ എന്നീ ഇന്ത്യൻ താരങ്ങളുടെ പേരുകളാണ് റോഡ‍്‍സ് പറഞ്ഞത്. ദക്ഷിണാഫ്രിക്കൻ താരങ്ങളായ ഹെർഷലെ ഗിബ്സ്, എബി ഡീവില്ലിയേഴ്സ്, മുൻ ഓസീസ് നായകൻ റിക്കി പോണ്ടിങ്, വെസ്റ്റ് ഇൻഡീസ് നായകൻ കീറോൺ പൊള്ളാർഡ്, ന്യൂസിലൻറിൻെറ മാർട്ടിൻ ഗപ്ടിൽ എന്നിവരാണ് മറ്റ് താരങ്ങൾ.