ചരിത്രത്തിൽ ആദ്യമായി കേരളം രഞ്‍ജി ട്രോഫി ക്വാർട്ടറിൽ

തിരുവനന്തപുരം: കേരളം രഞ്‍ജി ട്രോഫി ക്രിക്കറ്റിൻെറ ക്വാർട്ടർ ഫൈനലിൽ കടന്നു. ചരിത്രത്തിൽ ആദ്യമായാണ് കേരളം ടൂർണമെൻറിൻെറ ക്വാർട്ടറിൽ കടക്കുന്നത്. നിർണായക മത്സരത്തിൽ ഹരിയാനയെ ഇന്നിങ്സിനും എട്ട് റൺസിനും തോൽപ്പിച്ചാണ് കേരളത്തിൻെറ മുന്നേറ്റം.

ഹരിയാന ആദ്യ ഇന്നിങ്സിൽ 208 റൺസിനും രണ്ടാം ഇന്നിങ്സിൽ 173 റൺസിനുമാണ് പുറത്തായത്. കേരളം ഒന്നാം ഇന്നിങ്സിൽ തന്നെ 389 റൺസ് എടുത്തിരുന്നു. ആറു മത്സരങ്ങളിൽ ഇതേ വരെ കേരളം തോറ്റത് ഗുജറാത്തിനോട് മാത്രമാണ്.

ബി ഗ്രൂപ്പിൽ നിന്ന് രണ്ടാമത്തെ ടീമായാണ് കേരളം ക്വാ‍ർട്ടറിൽ കടക്കുന്നത്. 31 പോയൻറ് നേടി ബോണസ് പോയൻേറാടെയാണ് കേരളം ചരിത്ര നേട്ടം കൈവരിച്ചത്.