ഓപ്പണിങിൽ ഇവർ, സൂപ്പർതാരം ബെഞ്ചിൽ തന്നെ; ഗില്ലും പന്തുമില്ല, ഒന്നാം ടെസ്റ്റിനുള്ള ഇന്ത്യൻ ടീം പ്രഖ്യാപിച്ചു!!

മായങ്ക് അഗർവാളും പൃഥ്വി ഷായുമായിരിക്കും ഓപ്പണർമാരായി ഇറങ്ങുക. പല ഓപ്പണിങ് ജോഡികളെക്കുറിച്ചും ചർച്ചകൾ ഉണ്ടായിരുന്നു. ഒരു ഭാഗത്ത് മായങ്ക് അഗർവാളായിരിക്കും എന്ന് ഏകദേശം ഉറപ്പായിരുന്നു. യുവതാരം ശുഭ്മാൻ ഗിൽ, കെഎൽ രാഹുൽ എന്നിവർക്കും സാധ്യതകൾ ഉണ്ടായിരുന്നു. പൃഥ്വി ഷാ നേരത്തെയും ഇന്ത്യക്കായി ഓപ്പൺ ചെയ്തിട്ടുണ്ട്. എന്നാൽ ഓസ്ട്രേലിയയിൽ അദ്ദേഹം ആദ്യമായാണ് കളിക്കുകയെന്ന് കോലി പറഞ്ഞു.

നിലവിലെ സാഹചര്യത്തിൽ സൂപ്പർതാരം കെഎൽ രാഹുലിന് ടീമിൽ സ്ഥാനമുണ്ടാവില്ല. ലിമിറ്റഡ് ഓവർ ക്രിക്കറ്റിൽ ഗംഭീര ഫോമിലാണ് രാഹുൽ കളിക്കുന്നത്. ടെസ്റ്റ് ടീമിലേക്ക് അദ്ദേഹം ഏറെക്കാലത്തിന് ശേഷമാണ് തിരികെയെത്തുന്നത്. എന്നാൽ ടീമിൻെറ ബാലൻസ് പരിഗണിക്കുമ്പോൾ രാഹുൽ ഉണ്ടാവില്ലെന്ന് കോലി സൂചിപ്പിച്ചിരുന്നു. ആദ്യ ടെസ്റ്റിന് മുമ്പ് വാർത്താസമ്മേളനത്തിൽ സംസാരിക്കുകയായിരുന്നു കോലി.

(Reuters Photo)

Also Read: ശ്രീശാന്തിൻെറ ക്രിക്കറ്റിലേക്കുള്ള തിരിച്ചുവരവ് ഉറപ്പായി; ആദ്യം പങ്കെടുക്കാൻ പോവുന്നത് ഈ പരമ്പരയിൽ!!

വൃദ്ധിമാൻ സാഹയാണോ റിഷഭ് പന്താണോ വിക്കറ്റ് കീപ്പറെന്ന കാര്യത്തിലും തീരുമാനമായി. ഇക്കാര്യത്തിൽ കോലി അഭിപ്രായം പറഞ്ഞിരുന്നില്ല. വാം അപ് മത്സരത്തിൽ പന്ത് സെഞ്ച്വറി നേടിയിരുന്നു. സാഹ അർധശതകവും നേടിയിരുന്നു. കഴിഞ്ഞ പര്യടനത്തിൽ ടെസ്റ്റിൽ റിഷഭ് പന്ത് സെഞ്ച്വറി നേടിയിരുന്നു. സാഹയെയാണ് ഇന്ത്യ പ്ലേയിങ് ഇലവനിൽ ഉൾപ്പെടുത്തിയത്. റിഷഭ് പന്ത് ഒന്നാം ടെസ്റ്റിൽ പുറത്തിരിക്കും.