ബാറ്റിങ് ലൈനപ്പിൽ രാഹുലിനെ ഇനി മാറ്റരുത്, ധോണി ഉണ്ടെങ്കിൽ അത് സംഭവിക്കില്ല; തുറന്നടിച്ച് സെവാഗ്

ന്യൂഡൽഹി: ഓസ്ട്രേലിയക്കെതിരായ ഏകദിന പരമ്പര കൂടി അവസാനിക്കുമ്പോൾ ഇന്ത്യയുടെ ലിമിറ്റഡ് ഓവർ ക്രിക്കറ്റിലെ ഏറ്റവും അവിഭാജ്യ ഘടകമായിരിക്കുകയാണ് കെഎൽ രാഹുൽ. ഏത് പൊസിഷനിലും ബാറ്റിങിൽ ഇറക്കാൻ പറ്റുന്ന താരമാണ് താനെന്ന് അദ്ദേഹം തെളിയിച്ചു. വിക്കറ്റ് കീപ്പറുടെ റോളിലും രാഹുൽ തുടർന്നാൽ മതിയെന്ന തീരുമാനത്തിലാണ് ടീം മാനേജ്മെൻറ്.

രാഹുലിനെ ടി20യിൽ ഇന്ത്യ അഞ്ചാം നമ്പറിൽ ഉറപ്പിക്കണമെന്നാണ് മുൻ ഓപ്പണർ വീരേന്ദർ സെവാഗിൻെറ നിർദ്ദേശം. എന്നാൽ മഹേന്ദ്ര സിങ് ധോണി ടീമിനെ നയിച്ചിരുന്ന കാലത്ത് നിന്ന് കാര്യങ്ങൾ മാറിയിരിക്കുന്നതിനാൽ തനിനക്ക് രാഹുലിൻെറ കാര്യത്തിൽ ആശങ്കയുണ്ടെന്നും സെവാഗ് തുറന്നടിച്ചു.

"അഞ്ചാം നമ്പറിൽ ഇറങ്ങി നാല് തവണ രാഹുൽ പരാജയപ്പെട്ടാൽ ഇപ്പോഴത്തെ ടീം മാനേജ്മെൻറ് അദ്ദേഹത്തെ പിന്നെ മാറ്റും. ധോണിയുടെ കാലത്ത് അങ്ങനെ സംഭവിച്ചിരുന്നില്ല. ചില പൊസിഷനുകളിൽ ഓരോ കളിക്കാരനെയും എങ്ങനെ പിന്തുണക്കണമെന്ന് ധോണിക്ക് അറിയാമായിരുന്നു," സെവാഗ് പറഞ്ഞു.

Also Read: റിഷഭ് പന്ത് വിയർക്കും; നിർണായക തീരുമാനം എടുത്തുവെന്ന് കോലി, ടി20 ലോകകപ്പിലെ സർപ്രൈസ് ഇതാവുമോ?!

ഓരോ കളിക്കാരനും ബാറ്റിങ് പൊസിഷനിൽ എവിടെയാണ് ഇറങ്ങേണ്ടതെന്ന് ധോണിക്ക് വ്യക്തമായി അറിയാമായിരുന്നു. അക്കാര്യത്തിൽ ആശങ്കകൾക്ക് സ്ഥാനം ഇല്ലായിരുന്നുവെന്നും സെവാഗ് പറഞ്ഞു. ഓസ്ട്രേലിയക്കെതിരായ ഏകദിന പരമ്പരയിൽ രാഹുൽ മൂന്നാമനായും ഓപ്പണറായും അഞ്ചാമനായും ഇറങ്ങിയിരുന്നു. എന്നാൽ ഫിനിഷറുടെ റോൾ തനിക്ക് ഭംഗിയായി നിർവഹിക്കാൻ സാധിക്കുമെന്ന് രാഹുൽ തെളിയിച്ചു.

Also Read: ആരോൺ ഫിഞ്ചിനെ സ്റ്റീവ് സ്മിത്ത് ചതിച്ചതോ ? ക്യാപ്റ്റൻ അല്ലേ, ഇത്രക്ക് വേണ്ടിയിരുന്നില്ലെന്ന് സോഷ്യൽ മീഡിയ!!